Србија оствари раст на БДП од 1,7 отсто во вториот квартал

Србија во вториот квартал оствари раст на бруто-домашниот производ од 1,7 отсто, објави денеска Републичкиот завод за статистика. Економскиот раст на Србија во првиот квартал изнесуваше 0,7 отсто. Иако растот е позитивен ако се спореди со првиот квартал од минатата година, во првите три месеци од 2023 година е забележано намалување на економската активност во однос на последниот квартал од минатата година за 0,2 отсто. Доколку се забележи негативен раст на БДП во другите три месеци од оваа година, Србија ќе западне во рецесија.

Depositphotos

Премиерката Ана Брнабиќ неодамна изјави дека годинава се очекува раст од 2,5 отсто и покрај прогнозите дека српската економија ќе забележи нешто помал раст од предвиденото во буџетот за оваа година.

 

 

 

Народната банка го прогнозира растот меѓу два и три проценти, а Светската банка на 2,3 проценти. Аналитичарите на „Блумберг Адрија“ предвидуваат дека растот на БДП на Србија годинава ќе изнесува 2,4 отсто.
Но, не се сите толку оптимисти. Како што е познато, оваа година одредени институции очекуваат раст на БДП од околу два отсто, кој е нешто понизок од лани и помал од очекуваните 2,5 отсто. Градежната индустрија забавува, јавните инвестиции се под притисок од зголемените трошоци за задолжување, земјоделството е многу зависно од временските услови, а сето тоа е причината поради која се очекува економскиот раст годинава да биде помал од проектираниот. ММФ ја намали прогнозата за растот на БДП на Србија во 2023 година од 2,25 на два отсто, Европската комисија од 2,4 на 1,9 отсто, а ЕБОР од 3,3 на два отсто. Србија годинава ќе има најнизок економски раст во Западен Балкан од 1,3 отсто, покажуваат прогнозите на Виенскиот институт за меѓународни економски студии.

Исто така, анализата на движењето на бруто-домашниот производ потврдува дека е потребен многу силен пресврт на економските движења или дека до крајот на годината треба да се појави некој вонреден фактор за да се реализира прогнозата. Сè уште не е исклучено да се случи тоа. На пример, можно е во 2023 година, наместо просечна земјоделска сезона, да има исклучително добра сезона, која потоа би ја подигнала стапката на раст на БДП на предвиденото ниво од 2,5 отсто. „Сепак, објективните прогнози не треба да сметаат на вакви настани, но оценуваме дека  е поверојатно стапката на раст на БДП на Србија во 2023 година да биде до два процента“, наведува Фискалниот совет.

 

Во моментов нема коментари за веста. Биди прв да коментира...

Остави коментар