.webp){kind=icon}
Слично како и кај нас, цената на недвижностите во регионот нагло се зголеми. Според податоците на Хрватскиот завод за статистика, цените на станбените згради во првиот квартал од 2022 година се за 13,5 отсто повисоки во однос на истиот период лани. Ако ги споредиме со четвртиот квартал од 2021 година, недвижностите пораснале за пет отсто во просек.
Најмногу поскапеле становите во Загреб, каде цените се повисоки за 6,5 отсто во првиот квартал годинава во однос на четвртиот квартал од 2021 година. Од друга страна, недвижностите на јадранското крајбрежје поскапеа за 3,3 отсто. Во споредба од година во година, цените во Загреб се во просек повисоки за 16 отсто, а на Јадранското Море за 10 отсто.
Инаку ако се анализира регионот Словенците се сопственици на повеќе од 110.000 имоти во Хрватска. Продажбата на недвижности во Хрватска лани скокнала за цели 50 отсто. Податоците на Хрватската даночна управа, покажуваат дека најмногу недвижен имот купиле Германците, Австријците и Словенците.
Германците минатата година купиле 2.637 станови и куќи во Хрватска, што е за 70 отсто повеќе од 2020 година. Австријците купиле 1.109 или 74 отсто повеќе, а Словенците 2.309, што е за 32 отсто повеќе од 2020 година.
