„НЛБ Склади“ стекнува контрола врз српската „Ресалта градско осветлување и енергетска обнова на згради“

До Комисијата за заштита на конкуренцијата е доствено известување за концентрација која се однесува на стекнување на контрола од страна на словенечката „НЛБ Склади – Зелени преход“ над српската „Ресалта градско осветлување и енергетска обнова на згради“.

„НЛБ Склади-Зелени преход“ е дел од „НЛБ Групацијата“, којашто во Македонија моментално има три поврзани друштва: „НЛБ Банка“ АД Скопје, „НЛБ Леасе&Го“ и „НЛБ Фондови“ АД Скопје.

Регистрирана дејност на „Ресалта градско осветлување и енергетска обнова на згради“ е инженерски активности и техничко советување.

„Според подносителот на известувањето предложената концентрација се однесува на пазарите на обезбедување услуги за енергетска ефикасност во јавни згради во Србија и обезбедување услуги за реконструкција на системот за јавно осветлување во Србија. Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана“, информира КЗК.

Комисијата ги повикува заинтересираните трети страни да достават забелешки и мислења за оваа концентрација.

Во моментов нема коментари за веста. Биди прв да коментира...

Остави коментар