Повторената закана на претседателот Доналд Трамп за уништување на иранската цивилна инфраструктура е најновиот знак за сѐ поочигледно оддалечување на американскиот лидер од меѓународните норми и границите на модерното војување, тренд што ги отуѓува традиционалните сојузници.
И додека светот се прашува кога и како има намера Трамп да стави крај на воената кампања против Иран, глобалните пазари се тетерават, а на економиите им се заканува стагфлација поради домино ефектот во цените што ќе го предзвика скапата нафта. Фјучерсите на дизелот во Европа се искачија на највисоко ниво од 2022 година бидејќи војната во Иран го погоди снабдувањето со гориво што ја напојува глобалната економија. Фјучерсите се тргуваа до 1.498 долари за тон или повеќе од 200 долари за барел.
Добро утро, ви пишува Игор Петровски од дигиталната редакција на „Блумберг Адрија“, ова се петте вести што ги издвоивме за почеток на денот.
Акциите надолу, а нафтата нагоре по говорот на Трамп за Иран
Американските акции паднаа во четвртокот откако остриот говор на претседателот Доналд Трамп за Иран ги уништи надежите за брзо решавање на конфликтот и ги предизвика цените на нафтата да скокнат.
Акциите почнаа остро да паѓаат откако коментарите на Трамп доцна во средата го поткопаа оптимизмот за скоро повторно отворање на Ормускиот Теснец. Трамп вети дека ќе има повеќе воени напади во наредните недели и не се обврза да го отвори клучниот воден пат, велејќи им на земјите увознички на нафта да купуваат сурова нафта од САД наместо тоа.
Квадрат во Дубаи колку квадрат во Скопје - интерес има и во време на војна
Во изминатата деценија, Дубаи успешно ја продаваше својата приказна на безбеден рај за глобалната елита. Но, откако САД и Израел ги извршија првите воздушни напади врз Иран, а Исламската Република возврати со гаѓање на цели во околните американски сојузници низ Персискиот Залив, оваа репутација на емиратот, сериозно е разнишана.
Сепак, и во вакви турбулентни моменти, интересот за тамошниот пазар на недвижности не стивнува. Разговаравме со професионалци што работат со недвижности на пазарот во Дубаи околу тоа дали и зошто е токму сега вистинско време да се инвестира во имот таму.
Зошто луксузните недвижности сѐ повеќе се бараат (и купуваат) во однос на другите
Луксузниот сегмент е помалку чувствителен на макроекономски промени, а повеќе е воден од квалитетот, ексклузивноста и долгорочната вредност, се согласуваат претставниците на „Сотбис интернешнал“ (Sotheby’s International Realty) во годишниот извештај.
Тоа барем делумно ја објаснува веста што, во екот на конфликтот на Блискиот Исток, изненади многумина - богат купувач купи суперлуксузен пентхаус во Дубаи за дури 110 милиони евра, што е една од најскапите зделки во историјата на тој пазар.
Суфицит на стоки со енергетски дефицит како темелна слабост на европската економија
ЕУ е индустриска сила која е принудена да го увезува својот главен производствен инпут. Од сите нејзини слабости за кои се расправа повеќе од една деценија - од преголема бирократизираност, недостиг на иновативност, до парализа во одлучувањето - најголемиот структурен проблем е недостигот на домашни извори на енергенти и зависност од нивниот увоз.
Денешната енергетска криза поради војната во Иран е само најнов доказ за таа фактичка состојба. Последиците од наглото одвојување од повеќедецениската енергетска поврзаност со Русија (некогаш СССР) сè уште не се целосно материјализирани, а веќе започна нов енергетски удар.
„Мајкрософт“ ветува врвни ВИ модели до крајот на годинава
„Мајкрософт“ (Microsoft Corp.) има за цел да развие големи, најсовремени модели на вештачка интелигенција до следната година, како дел од напорите за изградба на сопствени алтернативи на најмоќните алатки за вештачка интелигенција од „Опен еј-ај“ (OpenAI) и „Антропик“ (Anthropic).
„Мора да испорачаме апсолутен врв“, рече Мустафа Сулејман, главен извршен директор на „Мајкрософт ВИ“ (Microsoft AI), во интервју за Блумберг. „Секако, до 2027 година, целта е навистина да се вгради најсовремена технологија низ моделите што можат да разговараат со луѓето или да генерираат текст, слики и аудио.
.webp){kind=icon}
