Почетокот на декември вообичаено носи поубави вибрации. Почнуваат прославите, сѐ е украсено, радосно ги исчекуваме повеќедневните празници, а дополнително расположението го подига и тоа што се знае дека ако ништо друго, тогаш барем плата и К-15 овој месец мора да има.
За вработените во приватниот сектор регресот за годишен одмор е за 5.000 денари повисок отколку за тие во јавниот сектор. Ова може да се сфати како компензација затоа што се покажува дека работниците од администрација повеќе користат боледувања, а за иста болест подолго отсуствуваат од работа.
Неделава јавноста се налути поради предлогот на фискалниот совет за зголемување на старосната граница за пензионирање. Не дека ваквиот предлог е нов. Сепак, се дигна многу врева. Притоа, малкумина се сетија дека фискалниот совет предлага, препорачува, не одлучува. Еве, на пример, претходно препорача фискалниот дефицит да се сведе на три отсто затоа што со закон е утврдено кога може да биде повисок, а во моментов не постојат законски услови за такво нешто. Па, никому ништо.
Прочитај повеќе:
Меѓу најпрофитабилните бизниси, а каскаат со плати зад државниот сектор
Македонија урна рекорд во странските инвестиции: Прилив од 838 милиони евра за девет месеци
Неделава најмногу се занимававме со автомобилскиот сектор. Анализиравме колку ќе чинат возилата идната година и зошто спласна интересот за електричните. Проверивме и кои возила најмногу се расипуваат. Тоа особено е важно за земји како Македонија, каде што просечната старост на возниот парк е 20 години, а најмногу се вози на дизел, на кој в година може да му дојде и крајот.
Неделава стигна веста дека цената на струјата ќе се зголеми од Нова година, но дека растот ќе изнесува околу еден отсто. Повисоките сметки за струја сигурно нема да бидат причина за да се откажеме од задоволствата како што се кафеаните – лани сме испиле и изеле над 180 милиони евра, 10 милиони повеќе од 2022 година. Но поскапата струја најверојатно дополнително ќе ги зголеми цените на угостителските услуги.
Шест региони во Македонија полека умираат
Апликација со ВИ го предвидува денот на вашата смрт најпрецизно досега
Неделава продолживме да ги следите случувањата во „Македонијатурист“, каде што менаџерите ги продадоа акциите, а „Скопски пазар“ стана најголем акционер.
Пишувавме и за криптото, кое конечно ја надмина психолошката граница од 100.000 долари. Глобално, неделава во фокусот беше и Франција. Владата во земјата падна за првпат по 1962 година. Причина за падот е буџетот за следната година.
Ги следевме и вестите за инфлацијата во еврозоната. Во ноември во еврозоната таа забрза. Засега е извесно дека тоа нема да ги поколеба креаторите на политиките во ЕЦБ идната недела да ги намалат каматните стапки, но веќе се најавува попретпазлив пристап на овој план.
.webp){kind=icon}
