Германија во фокусот – пет вести на денот

Новоизбраниот претседател Доналд Трамп викендов соопшти дека Панамскиот канал наплаќа „прекумерни цени и стапки на минување“ на американските поморски и трговски бродови и побара да се намалат таксите или во спротивно Панама ќе треба да го врати каналот во САД. САД го завршија каналот долг 51 милја (82 километар) во 1914 година, но го отстапија назад на Панама во 1999 година според договорот потпишан од поранешниот претседател Џими Картер во 1977 година - потег што Трамп го нарече глупав.

Добро утро, ви пишува Владимир Николоски од дигиталната редкација на „Блумберг Адрија“. Подолу петте вести што ги издвоивме за почеток на денот.

ББА-анализа: Трамп и временските услови ќе ги движат цените на стоките

Цените на бакарот и на алуминиумот беа покачени во 2024 година. Цените на бакарот беа во просек околу 10 проценти повисоки во 2024 година (до средината на декември 2024 година), а на алуминиумот за седум проценти на годишно ниво во истиот период. Кина е заеднички именител за индустриските метали, така што владините стимулации ја поттикнаа цената на бакарот во средината на годината.

Очекуваме цените да останат во нагорен тренд, при што побарувачката е поврзана со обновливите извори на енергија и вештачката интелигенција, со намалување на каматните стапки што го балансираат забавувањето на индустријата на западните економии и со бавното закрепнување на Кина. Силниот американски долар не им прави услуги на цените. Повеќе заштитни мерки може да доведат до поголема разлика во цените меѓу главните пазари.

Над 10.000 работници од Македонија чекаат волшебно стапче за Германија

Слабоста на германската економија станува хронична, смета претседателот на Институтот на економски истражувања (ИФО), Клеменс Фуест. Тој во интервју за „Блумберг ТВ“ изјави дека земјата долго време е во стагнација „така што идната влада треба да му даде приоритет на економскиот раст“.

Предвремените избори се закажани за февруари. На два месеца пред гласањето анкетите ѝ даваат предност на демохристијанската унија ЦДУ/ЦСУ. За веројатен нов канцелар на најголемата економија во Европа се смета Фридрих Мерц, кој, според последната анкета на „Блумберг“, има значително водство од 31 отсто пред политичките противници.

Какви идеи има човекот што треба да го поправи „моторот на Европа“

Додека Германија се соочува со премрежје на својата политичка сцена, Фридрих Мерц, 69-годишниот лидер на Христијанско-демократската унија (ЦДУ), во моментот важи за најсериозен кандидат за наследник на Олаф Шолц како следен канцелар на земјата. Со својата комбинација на политичко искуство, деловна способност и конзервативни идеали, Мерц е подготвен да ја води Германија низ нејзините економски и геополитички предизвици.

Роден во Зауерланд, област во западна Германија позната по своите живописни ридови и богата култура, Мерц ја започна својата политичка кариера како член на Европскиот парламент во 1989 година. Подоцна премина во германскиот парламент во 1994 година. До 2000 година, тој се искачи на лидерската позиција на парламентарната група на ЦДУ, но беше надминат од Ангела Меркел во борбата за моќ која ги дефинираше нивните кариери.

Преглед на берзите: Фед на многумина им го упропасти Божиќ, кај нас се уриваат рекорди

Во средата американската централна банка (Фед) ги намали каматните стапки за 25 базични поени, како што очекуваа аналитичарите. Сепак, заедно со очекуваното намалување, таа исто така ја зголеми својата прогноза за инфлацијата во САД во 2025 година и во моментов го задржува својот став за само уште две намалувања во наредната година.

Намалувањето на Фед предизвика превирања на финансиските пазари. Акциите, биткоинот и златото паднаа, додека државните обврзници и индексот на стравот пораснаа, при што главните берзански индекси го забележаа својот најлош ден во изминатиов период.

КХВ одобри менување на проспектот на фондот „КБ Инвест-МБИ10“

Комисијата за хартии од вредност на последната седница согласно Законот за инвестициски фондови на друштвото за управување со отворени и затворени инвестициски фондови „КБ Инвест“ АД Скопје му даде одобрение на измените и дополнувањата на проспектот на отворениот инвестициски фонд „КБ Инвест-МБИ10“.

„Согласно направената значајна промена во проспектот, фондот ќе вложува најмалку 85 проценти од имотот во акции компоненти од МБИ10, а до 15 проценти во државни должнички хартии од вредност, во депозити кај овластените банки и во отворените инвестициски фондови“, соопшти Комисијата.