Во светот наголемо се размислува за воведување на четиридневна работна недела, а во некои земји работните закони веќе се менуваат во оваа насока. Откриваме дека и во Македонија има фирми во кои веќе се работи четири дена неделно.
Истражуваме какви камати на депозити нудат банките во Македонија, а какви во регионот и дали е поисплатливо да се инвестира на берза или да се штеди. Анализираме колку Македонија и земјите од регионот се подготвени за вештачка интелигенција и дали новата технологија се користи во индустријата за видео игри.
Откриваме какви измени носат новите закони за административните службеници и вработените во јавен сектор, како и што се менува со новата регулатива за технолошко-индустриските развојни зони.
Со оглед на тоа што Владата најавува нови мерки за спласнување на растот на цените на храната во маркетите, а ограничувањето на цени на одредени производи за време на високата инфлацијата не помогна многу, анализираме што треба да се направи за да има фер цени во малопродажбата.
Прашуваме колку е профитабилен бизнисот на убавина во Македонија и колку пари испраќаат македонските иселеници, како и што значат тие средства за македонската економија.
.webp){kind=icon}