Македонија склучи договор за стратешко партнерство со Обединетото Кралство. Договорот значи ново задолжување во вредност од пет милијарди фунти, кои ќе се трошат за инфраструктура. Премиерот Мицкоски изјави дека Македонија ќе ги добие парите под услови што се најдобри на пазарите во моментов. Кредитот е со грејс период од пет години, рок на отплата од десет години и непозната камата. За експертите, партнерството е поволно, но само ако се внимава на долгот и се продолжи по патот на фискалната консолидација.
Добро утро, ова е неделниот преглед на „Блумберг Адрија“.
Не помалку важно е дека Народната банка ќе добие нов гувернер. Поранешниот министер за финансии и универзитетски професор Трајко Славески е предлогот на претседателката Гордана Силјановска-Давкова. Очекувањата на јавноста се дека НБРМ ќе продолжи да води прудентни политики како и досега.
Прочитај повеќе:
Српската „Алта груп“ сака да ја преземе „Стопанска банка Битола“
Македонскиот стартап екосистем на 78. место во светот, како се рангирани земјите од регионот?
Државната статистика неделава објави дека просечната плата се доближува до 45.000 денари. Но растот на платите не значи дека работниците се задоволни. Напротив, истражувањата покажуваат дека дури две третини од вработените се во пасивен отказ односно се несреќни на работа, работат најмалку што можат и, најважно, не бараат друга работа.
Во текот на викендот се случи и тоа на што предупредуваа експертите – половина Македонија остана без струја поради високите напони на 400-киловолтната мрежа. Енергетскиот сектор го анализиравме и од аспект на родовата застапеност, а проверивме и кој е кој на нафтениот пазар.
Анализиравме и зошто во многу земји во светот можноста за личен банкрот постои, а кај нас нема опција на презадолжените физички лица да им се обезбеди нов почеток. Проверивме и како е можно во богатите држави да се работи помалку, а да се заработува повеќе.
Прочитајте повеќе:
Со 100.000 евра поддршка, Владата ќе ги враќа младите брачни парови во село
Високите цени не се проблем - забрзува продажбата на станови
На глобално ниво, агенцијата „Мудис“ им го намали кредитниот рејтинг на САД. Земјата веќе нема оценка тројно А, а пазарот на обврзници праќа сигнали дека не е среќен поради растечкиот долг и дефицит, особено поради „прекрасниот“ закон за даноците на Трамп. Во вакви услови, биткоинот достигнува нови рекорди, а Трамп ја зацврстува својата позиција како криптошампион.
На спортски план, плејофот во НБА е во полн ек, а ние се занимававме со вредноста на тимовите. Растот на нивната вредност го менува и профилот на потенцијалните сопственици. Марк Кубан, легендарниот сопственик на Далас Маверикс, оди пред времето и внесува нов начин на инвестирање во спортот.
Прочитајте повеќе:
Струја или ѓубре - што правиме во Македонија со старата облека?
И покрај профитабилноста и договорениот пласман, афионот тешко се враќа на нивите
„Блумберг Адрија“ ви ја најавува и новата конференција. На 4 јуни ќе разговараме за потрошувачките трендови. Нашата конференција ќе ги обедини клучните играчи од македонскиот сектор за малопродажба, банкарство, телекомуникации и е-трговија, со силен фокус на малопродажниот аспект на бизнис-операциите.
Имаме уште една новина. „Блумберг Адрија“ ви ги претставува „Блумберг Адрија едукации“ – посветени токму на она што е нашата ДНК: финансиските пазари. Нашата цел е заедно да го промениме начинот на кој гледаме на инвестирањето, да осветлиме нови пристапи, да поттикнеме размислувања и да ве поддржиме во донесување попаметни одлуки за инвестирање и управување со богатство. Бесплатната пријава за едукациите на „Блумберг Адрија експерт“ е отворена до утре.
.webp){kind=icon}
