Воздишки на благо олеснување, но и голема воздржаност кај европските лидери можеа да се почувствуваат по изјавата на претседателот Доналд Трамп дека нема да воведе нови царини за стоките од европски земји кои се спротивставуваат на неговите напори да го преземе Гренланд, наведувајќи дека е постигнат „рамковен договор“ за иднината на островот. Светот сега е во исчекување на прецизни детали дали договорот меѓудругото предвидува тешко американско вооружување и нови рудници на арктичкиот остров односно дали навлегува во суверенитетот на Гренланд и Данска.
Јелена Сретеновиќ, директорка на компанијата „Мастеркард“ (Mastercard) за пазарите во Србија, Босна и Херцеговина и Црна Гора, во интервју за „Блумберг Адрија“ во рамки на серијалот „The Year Ahead 2026“ се осврнува на претходната година од аспект на тоа како податоците и иновациите влијаат врз развојот на дигиталните плаќања, а воедно се фокусира и на клучните трендови што ќе ја обликуваат 2026 година.
Добро утро, ви пишува Владимир Николоски од дигиталната редакција на „Блумберг Адрија“. Подолу петте вести што ги издвоивме за почеток на денот.
Прв тест на CBAM: ЕУ размислува за исклучоци, Македонија неподготвена
Фирмите од Европската Унија (ЕУ) во првата недела од јануари пријавиле увоз на стоки од 1.655.613 тони во рамките на Механизмот за прекугранично јаглеродно приспособување (CBAM). CBAM подразбира плаќање јаглеродна давачка за увоз на алуминиум, цемент, електрична енергија, железо, челик, водород и ѓубрива.
Давачката се плаќа за увоз од земји што се надвор од Европската Унија. Меѓу другите, механизмот ја засега и Македонија, а почна да се применува од 1 јануари годинава. Според податоците на Европската комисија, заклучно со 6 јануари во увозот доминирале железото и челикот. Јаглеродната такса се плаќала и за увоз на ѓубрива и цемент. Немало увоз на струја и водород.
Како да се „измами“ смртта за 200.000 евра?
„Го сакам животот и мислам дека секогаш ќе сакам да живеам уште еден ден. Но знам и дека, медицински гледано, морам да умрам еден ден.“ „Се плашам од смртта.“ „Имам неизлечива болест и свесен сум дека крајот е блиску, па сакам за себе и за моите сакани да оставам барем малку надеж - дека еден ден можеби повторно ќе живеам.“
Ова се главните мотиви на луѓето низ светот што се одлучиле за криопрезервација. Меѓу нив е и човекот што стои зад „Туморо био“ (Tomorrow Bio), германска биотехнолошка компанија специјализирана за криогеника со седиште во Берлин и канцеларија во САД, д-р Емил Кенџиора.
Работа оддома па преместување во САД: Функционира и на Балканот
Во Хрватска во 2023 година 4,8 проценти од вработените работеле оддома, додека во Словенија тој удел бил 6,4 проценти (со поголем процент на оние кои повремено работат оддома), според Евростат. Во Србија, според податоците од Анкетата за работна сила за 2024 година, оддома работеле 219.100 вработени, што покажува дека инфраструктурата и навиките постојат.
Но кога се преминува од „работам на далечина“ во „одам кон преместување“, Балканот во базата на „Мигрејт Мејт“ чиј основач и извршен директор е Михаил Божиќ, останува речиси невидлив: околу 0,4 проценти од корисниците доаѓаат од регионот, што е статистичка маргина.
Кој ќе ја наследи Кристин Лагард како претседател на ЕЦБ
Холанѓанецот Клaс Нот има најмногу шанси да ја наследи Кристин Лагард на чело на Европската централна банка (ЕЦБ), иако некои други кандидати имаат подобра квалификација, е заклучокот од анкетата што ја спроведе „Блумберг“ меѓу економистите. Нот, чиј мандат како гувернер на централната банка на Холандија истече минатата година, ја предводи ранг-листата.
На второ место е гувернерот на Банката за меѓународни порамнувања, Пабло Ернандез де Кос, а на трето место претседателот на „Бундесбанк“, Јоаким Нагел. Во исто време, испитаниците како најкомпетентен кандидат за преземање на функцијата по истекот на мандатот на Лагард следната година ја издвојуваат членката на Извршниот одбор на ЕЦБ, Изабел Шнабел. Де Кос, поранешен гувернер на Банката на Шпанија, го зазема второ место, додека Нот е веднаш зад него.
САД го забрзуваат процесот на издавање визи за посетителите на СП во фудбал
Администрацијата на Трамп соопшти дека го забрзува процесот на обработка на американските визи за странци што имаат билети за годинашното Светско првенство во фудбал, потег што треба да го олесни патувањето на најгледаниот спортски настан во светот, дури и додека Белата куќа ги заострува правилата за имиграција.
Стејт департментот во вторникот го лансира системот за закажување приоритетни состаноци (FIFA Priority Appointment Schedule System), овозможувајќи им на имателите на билети приоритетни состаноци за интервјуа за виза, изјави висок функционер на администрацијата. За да се справи со зголемениот интерес, одделот планира да вработи повеќе од 500 дополнителни службеници во американските конзулати за обработка на апликациите поврзани со Светското првенство.
.webp){kind=icon}
