Европските обврзници пред рекорден пад поради каматите

Компаниите со рекордно темпо го преплавуваат европскиот пазар на обврзници, обидувајќи се навреме да обезбедат финансирање додека централните банки предупредуваат дека конфликтот со Иран може повторно да ја разгори инфлацијата и да ги турне каматните стапки нагоре.

Меѓу издавачите се „Ербас“ (Airbus SE), кој издава обврзница првпат по речиси шест години, пиварската групација „Карлсберг“ (Carlsberg Breweries A/S) со своето прво хибридно задолжување и фармацевтската компанија „Новартис“ (Novartis AG) со понуда во три дела. Во бранот се вклучуваат и компании со инвестициски и со високоризичен кредитен рејтинг, а вкупно 17 издавачи нудат 24 транши, што претставува рекорд, според податоци собрани од „Блумберг“.

„Кредитните распони остануваат близу историски најниски нивоа и покрај актуелното опкружување со каматните стапки“, изјави Џејмс Каниф, директор за пазари на корпоративен и структуриран долг за Европа во „ХСБЦ“ (HSBC Holdings Plc). „Инвеститорите се добро позиционирани да ја апсорбираат очекуваната понуда, при што мај е еден од најактивните месеци во годината.“

Бранот нови издавања во традиционално активен период доаѓа во време кога глобалните обврзници растат, а показателите за кредитен ризик се намалуваат поради оптимизмот дека САД и Иран се приближуваат до мировен договор. Индексот iTraxx Europe, кој го следи ризикот од неисполнување на долговите кај компании со инвестициски рејтинг, падна на најниско ниво од 17 април, додека еквивалентниот индекс за високоризични компании е близу најниското ниво во последните два месеца.

Компаниите со рекордно темпо прибираат долг
Европскиот пазар на обврзници бележи најинтензивно корпоративно задолжување досега

Bloomberg

Компаниите го користат поволниот пазар по објавувањето на кварталните резултати за да ги зајакнат билансите и да обезбедат нов долг за отплата на обврските што доспеваат.

Вкупно, вклучувајќи финансиски институции, држави и компании, 34 издавачи се присутни на примарниот пазар со 43 транши нови обврзници, што исто така претставува рекорд. Според податоци собрани од „Блумберг“, најмалку 30,2 милијарди евра се очекува да бидат пласирани.

Ограничен период за продажба на обврзници

Компаниите што сега излегуваат на пазарот на обврзници се обидуваат да го избегнат ризикот растот на пазарот на долг да исчезне доколку војната продолжи, бидејќи потрошувачите би можеле да ги почувствуваат последиците од повисоките цени, а обновената инфлација може да ги натера централните банки да почнат со зголемување на каматните стапки веќе следниот месец.“

Издавачите го користат и ограничениот период за продажба овој месец поради државните празници во различни европски земји. Велика Британија беше затворена во понеделникот, Франција нема да работи во петок, а и верскиот христијански празник Вознесение (денот кога според христијанската религија Исус Христос се вознел на небото), на 14 мај ќе доведе до прекин на тргувањето на дел од европските пазари.“

„Луѓето едноставно се обидуваат да ги реализираат зделките во периодите кога нема празници“, изјави Марко Балдини, глобален директор за пласман на обврзници со инвестициски рејтинг во „Берклис“ (Barclays Plc).