.webp){kind=icon}
Германија соопшти дека ќе задржи две нуклеарни електрани во резерва до април за да се намали опасноста од недостиг на струја во текот на зимава во најголемата европска економија.
Две од трите преостанати нуклеарни електрани ќе останат на располагање доколку има потреба, за што ќе треба и да се промени законот во рок од неколку недели, рече германскиот министер за економија, Роберт Хабек. Владата беше под интензивен притисок да го одложи затварањето откако руската инвазија врз Украина предизвика драматичен пораст на цената на енергенсите.
Германија планира конечната одлука за тоа да ја донесе пред декември. Ќе се одлучува врз основа на податоците од стрес тестот на мрежата.
Прочитај повеќе
БНЕФ: Европа е подготвена за зима без рускиот природен гас
Европа ќе увезе 40 отсто повеќе гас зимава, а набавката ќе се зголеми и на лето за да се надоместат залихите
27.09.2022
Арктичкиот студен бран е прв тест за грејната сезона
Темепратурите се спуштаат драстично неделава, а бранот ја зафаќа Западна Европа
26.09.2022
Европската енергетска криза не е приказна за само една зима
Нафтата најверојатно кратко ќе се тргува на околу 90 долари пред да порасне на околу 120 долари за барел до крајот на годината.
23.09.2022
Германските цени за електричната енергија за следната година паднаа по претходните коментари дека Германија ќе го продолжи работниот век на тие електрани.
Хабек укажа на потешкотиите со нуклеарните постројки во соседна Франција, која што инаку е извозник на електрична енергија, наведувајќи дека тоа е една од причините поради кои што Германија можеби ќе мора да ги задржи во функција своите реактори за да се справи со потенцијалниот недостиг од струја на југот од земјата.
Владата информираше дека нема да наметнува неочекувани даноци на добивката остварена од водењето на овие единици по декември и дека ќе ги надомести трошоците ако резервните постројки не се потребни.
Според податоците на германскиот Завод за статистика, објавени во јуни, нуклеарната енергија претставувала 6 проценти од вкупното производство на електрична енергија во Германија во првиот квартал, додека производството од јаглен надминува 30 отсто, 13 проценти отпаѓа на производството на струја од природен гас и речиси половина од електричната енергија во Германија се произведува од обновливи извори, вклучувајќи ветер и сончева енергија.
Веројатно ќе има потреба од кратко затварање на двете електрани заради подготовка за евентуално продолжување на работниот век. Едната (Isar-2) би можела да работи до почетокот од месец март и ќе биде во подготовка следниот месец, а другата (Neckarwestheim-2) ќе може да остане во функција до средината од април.
