.webp){kind=icon}
Министерот за финансии на Велика Британија, Кваси Квартенг, ќе ја објави својата среднорочна фискална стратегија и придружните економски прогнози на 31 октомври, забрзувајќи ги плановите за повеќе од три недели додека се обидува да ги смири финансиските пазари по турбулентниот период.
Квартенг е под голем притисок од бизнисмените во лондонскиот Сити и од политичарите кои очекуваат да објасни како планира да ги стабилизира јавните финансии откако неговиот првичен „мини-буџет“ предизвика распродажба на пазарот.
Предлозите -- вклучително и целосните економски прогнози, требаше да бидат објавени на 23 ноември, но Министерството за финансии денеска на Твитер објави дека тие ќе бидат објавени порано.
Клучно е тоа што планот ќе биде објавен пред следната одлука на Банката на Англија за каматните стапки, ова беше главно барање на претседателот на ториевците во парламентарната комисија за финансии, Мел Страјд, кој рече дека владата треба порано да ги смири пазарите и го намали притисокот врз каматните стапки што ќе влијае на хипотеките на милиони сопственици на куќи.
Новиот датум ќе овозможи да се изврши „длабинска проценка на економијата и јавните финансии“, рече Квартенг во писмото до Страјд објавено на Твитер.
Стратегијата на Квартенг ќе треба објасни како владата планира да го намали долгот на среден рок, цел што најверојатно ќе бара значително намалување на јавната потрошувачка откако на 23 септември беше објавена намерата за најголемото намалување на даноците во последниот половина век. Прашањето за тоа што ќе се намалува може да предизвика нови политички конфликти за веќе критикуваната премиерка Лиз Трас.
