.webp){kind=icon}
„Мерцедес“ (Mercedes-Benz Group AG) ја проширува својата гама на електрични возила со нов СУВ (sport utility vehicle) којшто ќе му биде конурент на Model Y на „Тесла“ (Tesla Inc.). Станува збор за уште еден чекор кон целта на компанијата да стане целосно електрична до крајот на деценијата.
Теренецот EQE, претставен во пресрет на саемот за автомобили во Париз, ќе го надмине поевтиниот Model Y со 590 километри (367 милји) возење и ќе се продава по почетна цена од околу 70.000 евра (68.000 долари). Продажбата ќе започне кон крајот на оваа година. Тоа е четвртиот модел што ја користи EV-платформата на „Мерцедес“, која исто така е основа на водечкиот седан EQS.
Теренецот располага со екран со широк 141 сантиметар (55,5 инчи), а верзијата AMG со високи перформанси ќе достигне максимална брзина од 210 километри на час. Производителот на автомобили, исто така, објави дека неговите возила ќе бидат првите кои нудат систем за опкружувачки звук кој не е од Apple, туку е развиен од Dolby Laboratories.
„Мерцедес“ планира да понуди електрични варијанти на сите модели со мотори со согорување во своето портфолио до крајот на годината.
За да помогне во финансирањето на оваа амбициозна продажба, „Мерцедес“ планира да ги елиминира возилата со помала маржа во корист на попрофитабилните теренци на G-Wagon и моделите со поголеми перформанси.
Теренецот EQE, кој ќе се произведува во американската фабрика на Мерцедес во Алабама, дебитираше во музејот Роден во Париз, пред изложбата на која недостасуваат многу западни производители на автомобили, вклучувајќи ги Volkswagen AG и BMW AG. Помеѓу оние што ќе ја пополнат празнината ќе бидат кинеските производители предводени од BYD Co., најголемиот производител на електрични возила во земјата.
Кинеските производители на електрични возила се повеќе се обидуваат да навлезат во Европа. Nio Inc. овој месец ги објави плановите да започне со продажба во Германија, Данска, Шведска и Холандија по скромниот успех во Норвешка. Great Wall Motor Co. и Seres Group Co., исто така, се дел од кинескиот контингент што изложува на саемот во Париз.
По многу лажни стартови на кинеските брендови во текот на годините, транзицијата кон електрични возила може да ја отвори вратата кон конкурентните европски пазари. Британскиот бренд MG, во сопственост на кинеската SAIC Motor Corp., минатата година продаде околу 40.000 возила во Европа.
Производителите на автомобили кои нудат сјајни нови модели во Париз се борат со ниската доверба на потрошувачите во услови на зголемена инфлација и зголемени каматни стапки.
Додека „БМВ“ неодамна предупреди дека нарачките почнале да се забавуваат, „Мерцедес“ минатата недела соопшти дека продажбата скокнала за 21 проценти во текот на третиот квартал, при што Кина води со силен пораст во сите клучни региони.
Во интервју за телевизијата „Блумберг“, првиот човек на „Мерцедес“, Ола Калениус ги нарече испораките во третиот квартал „робусни“ и рече дека ако економијата се олади, „Мерцедес“ ќе биде подготвен.
„Исто така, гледаме да ја завршиме оваа година на робусен начин, а потоа ќе видиме што ќе донесе следната година“, рече тој.
