Се предвидува дека залихите на дизел, горивото кое што е значајно за голем дел од европската економија, оваа зима може нагло да оппаднат поради прекинатите испораки од Русија.
Количината на дизелот во складиштата во северозападна Европа во февруари ќе се намали на 210,4 милиони барели, што е најниско ниво од 2011 година, наведуваат од консултантската куќа „Wood Mackenzie“. Тоа е месец кога Европската Унија ќе ја санкционира поморската испорака на рафинирана нафта од Русија, моментално најголемиот засебен надворешен добавувач на дизел во регионот.
„Падот во февруари се очекува поради прекинувањето на рускиот увоз во период на сезонско голема побарувачка“, рече Џејмс Барлеј, главен аналитичар во “Wood Mackenzie“, додавајќи дека увозот на алтернативни горива на долг рок може да биде ограничен.
Се очекува дека залихите во северозападна Европа месецов ќе се намалат за скоро 6 милиони барели поради зголемување на планираното одржување на рафинериите и влијанието од штрајковите во Франција, наведува консултантската куќа.
Податоците покажуваат дека горивото за брза испорака е поскапо од тоа за подоцнежна испорака. Тоа ги обесхрабрува трговците да складираат залихи, бидејќи веројатно може да продаваат сега по поволна цена отколку да чуваат за во иднина.
Сепак, додека снабдувањето со дизел во Европа се соочува со големи турбуленции поради загубите на руските барели, побарувачката наскоро може да биде под притисок. Минатиот месец Светската банка предупреди на претстојна глобална рецесија, нешто што веројатно ќе бара големи заложби за светската потрошувачка на дизелот и потенцијално може да ги ублажи залихите.
Податоците за прогнозите на консултантската куѓа се од 30 септември. Од тогаш има и штрајкови во француските рафинерии, каде е прекинато производството на горива. Ако ситуацијата потрае подолго, тоа може да придонесе за дополнително намалување на прогнозите за залихите во идниот период, наведуваат аналитичарите.
.webp){kind=icon}
