.webp){kind=icon}
Независно од тоа кој ќе победи во трката да ја наследи Лиз Трас на местото премиер на Велика Британија, едно е јасно, дека фунтата ќе продолжи да паѓа.
Тоа е прогнозата на пазарните играчи кои сметаат дека фунтата ќе продолжи да паѓа поради негативните ефекти од економскиот пад и политиката на британската централна банка, што ја влечат вредноста на оваа валута во надолна линија.
Маките на фунтата се симбол на предизвикот со кој што се соочува економијата во Обединетото Кралство бидејќи растечките трошоци за позајмување, високите сметки за енергија и високите даноци придонесуваат за песимистичките очекувања. Со оглед на тоа што довербата на потрошувачите беше блиску до историскиот минимум во октомври, станува се' поизвесно дека фунтата може да продолжи со падот што достигна 17 отсто годинава.
„Очекувам дека британската фунта ќе остане под притисок и дека ќе треба време додека меѓународните инвеститори ја вратат довербата во државните обврзници и фунтата“, рече Патрик Бенет, стратег на компанијата „Candian Imperial Bank of Commerce“, предвидувајќи дека валутата може да падне на 1,09 долари до крајот на годинава. „По кадровските промени, пречката за враќање на довербата станува се' поголема“, вели Бенет.
GBPUSD:CUR
GBP
1,1183 USD
почетна цена
1,1235
претходна цена на затворање
1,1235
промена од почетокот на годината
-17,3736%
дневен опсег
0,00 - 0,00
опсег на 52 недели
1,04 - 1,38
Фунтата вчера на почетокот од денот зајакна за 1 процент и се тргуваше на ниво од 1,1336 долари, но потоа ја намали добивката поради тоа што реториката на челниците на американските Федерални резерви (ФЕД) одново го зајакна доларот. Утрово, пак, на азиските берзи фунтата загуби 0,2 проценти од вредноста и сега се тргува на ниво од 1,1215 долари.
Големо влијание на фунтата може да има следниот фискален план, а „Times“ известува дека британскиот канцелар, Џереми Хант, веројатно ќе ја одложи објавата на буџетот за после 31 октомври.
Уште поголем проблем за фунтата може да биде монетарната политика на Централната банка откако заменикот гувернер Бен Бродбент вчера рече дека не е очигледно дека каматните стапки во Обединетото Кралство треба да растат толку колку што очекуваат инвеститорите.
„Ние очекуваме пад на фунтата, но повеќе поради стагфлаторното опкружување и прашањето за тоа дали Централната банка ќе биде агресивна колку што треба“, вели Тим Бејкер, шеф за макро истражувања во „Deutsche Bank AG“ во Австралија.
