.webp){kind=icon}
Чешка го воведе својот прв данок на вонредна добивка за некои од најголемите компании, за да се помогне во финансирањето на енергетските субвенции без зголемување на државниот долг. Претставниците во петокот го одобрија предлогот на чешкиот министер за финансии за главните енергетски компании и банките да се воведе „дополнителен данок“ од 60 проценти. Надоместокот ќе биде во сила следните три години и ќе се однесува на вонредната добивка настаната од повисоките цени на енергијата и високите камати.
„Не ме радува фактот дека се воведува овој данок. Ако околностите го допуштат тоа, јас ќе бидам првиот што ќе предложи укинување на данокот“, рече министерот за финансии на Чешка, Збинек Станјура, пред гласањето во Долниот дом.
Bloomberg Mercury
Нацрт-законот е клучен дел од стратегијата на Владата за ублажување на влијанието од најлошата криза на трошоците за живот во последните три децении, додека и натаму се обидува да ја извлече земјата од рекордниот дефицит направен во периодот на пандемијата.
По повеќемесечна расправа, владејачката коалиција, составена од пет политички партии, почна да ги субвенционира сметките за струја и природен гас, одговарајќи на тој начин на растечките фрустрации во јавноста и на повиците за помош на компаниите. Според пресметките на Министерството за финансии, следната година данокот би требало да обезбеди 3,5 милијарди долари дополнителни буџетски приходи.
Планот предизвика несогласување меѓу Владата и компаниите погодени од новата давачка, кои тврдат дека тоа може да му наштети на угледот на Чешка меѓу странските инвеститори. Некои од нив сметаат дека новиот данок ќе ги ограничи средствата потребни за модернизација. Други, пак, најавуваат дека ќе ја преместат својата работа во други земји за да го избегнат плаќањето на овој нов данок.
„Инаку, државата следната година ќе одвои над 8,1 милијарди долари за различни мерки за помош на домаќинствата и компаниите, вклучувајќи енергетски субвенции, повисоки пензии и други социјални надоместоци“, рече минатата недела премиерот Петр Фиала.
