Велика Британија ќе воведе давачка за електричните автомобили од 2025 година, изјави канцеларот за финнсии, Џереми Хант. Ова значи дека се укинува ослободувањето што требаше за да го поттикне купувањето еколошки возила.
„Електричните возила повеќе нема да бидат ослободени од таксата“, рече Хант за време на есенската изјава, кога откри серија даночни зголемувања за да се намалат трошоците и да се затвори дупката во буџетот од 55 милијарди фунти (65 милијарди долари).
Канцеларот рече дека за електричните возила ќе продолжат да важат пониски даночни стапки и дека владата ќе го ограничи зголемувањето на стапките на еден процентен поен годишно за период од три години, до 2025 година.
Обединетото Кралство планира постепено да ја укине продажбата на нови автомобили со мотори со внатрешно согорување до 2030 година, а производителите на автомобили долго време бараат стимулации за да го зголемат прифаќањето на електричните возила. Постапното укинување на ослободувањата од патните такси доаѓа по намалувањето на субвенциите за електрични возила минатата година.
„Дополнителните тековни трошоци ќе ги оддалечат повеќето потенцијални купувачи од намерата да купат електрично возило заради укинувањето на стимулациите и високите сметки за енергија “, вели Иан Пламер, комерцијален директор на Auto Trader Group Plc.
„Таксата е длабоко некорисна и испраќа погрешна порака ако сакаме да бидеме сериозни во врска со зголемувањето на бројот на електрични возила “.
.webp){kind=icon}
