.webp){kind=icon}
Потпретседателот на Европската централна банка (ЕЦБ), Луис де Гвиндос, рече дека зголемувањето на каматните стапки ќе продолжи со слично темпо во претстојниот период, откако банката ги зголеми стапките за половина процентен поен за да го стави под контрола горливиот раст на цените.
„ЕЦБ ќе продолжи да ги зголемува каматните стапки додека проекциите не покажат дека невидениот раст на цените ќе се врати на целта од два процента“, рече Гвиндос на настан во Мадрид. Тој додаде дека досегашните чекори не се доволни за да се постигне таа цел.
„Треба да преземеме дополнителни чекори со сличен интензитет како покачувањето од претходниот состанок“, додаде Гвиндос.
Прочитај повеќе
ЕЦБ со зголемување од половина поен и квантитативно затегнување по март
Европската централна банка го забави темпото на зголемување на каматните стапки.
15.12.2022
ЕЦБ двапати ќе ги зголеми стапките пред квантитативното затегнување
Следните состаноци на ЕЦБ носат севкупно зголемување на каматната стапка на депозитите за еден процентен поен.
09.12.2022
Лагард: Би била изненадена ако ова е врвот на инфлацијата
Кампањата за зголемување на каматните стапки не е ни приближно завршена.
28.11.2022
Главниот економист на ЕЦБ: Каматите ќе ги зголемуваме и следната година
ЕЦБ веројатно ќе работи на враќање на инфлацијата на целта од два отсто и следната година, вели Филип Лејн.
21.11.2022
Инфлацијата во еврозоната конечно забавува, прв знак на надеж за ЕЦБ
Инфлацијата во еврозоната забави за првпат по една и пол година, нудејќи трошка надеж за Европската централна банка.
30.11.2022
Иако на претходниот состанок го забавија темпото на зголемување на каматите, централните банкари посочуваат дека крајот на зголемувањето на стапките сè уште е далеку, бидејќи инфлацијата и натаму е превисока. Овој дискурс ги принуди економистите да ги подигнат своите проекции во однос на максималната висина на референтните каматни стапки на ЕЦБ.
Во понеделникот се појавија дополнителни знаци на затегнување, бидејќи литванскиот гувернер Гедиминас Симкус рече дека „нема сомневање“ оти стапките ќе бидат уште 50 базични поени повисоки по состанокот во февруари.
„Уште се враќаме на неутралните стапки“, им рече тој на новинарите во Вилнус и додаде дека „стапките досега биле стимулирачки за економијата“.
Словачкиот гувернер Петер Казимир рече дека забавувањето на растот на цените не само што ќе бара стапките да се подигнат на ниво повисоко од очекуваното, туку тие ќе мора да останат покачени „многу подолг временски период“.
„Привременото заладување на економијата нема да биде доволно за да се смири растот на цените и постепено да се врати инфлацијата во посакуваниот опсег“, посочува тој во изјавата. „За нас тоа значи дека мораме да ги подигнеме стапките на многу повисоко ниво отколку денес“, додаде Казимир.
Бројките од Германија ја поддржуваат оваа гледна точка, бидејќи сега изгледа дека рецесијата во најголемата европска економија ќе биде поблага отколку што се очекуваше пред неколку недели. Истражувањето за деловното расположение покажа трето последователно месечно подобрување.
