.webp){kind=icon}
Доаѓаме до крајот на уште една невидена година. Обединетото Кралство имаше тројца премиери, го жалеше својот монарх со најдолго владеење и гледаше како се зголемуваат сметките за енергија и за храна по руската инвазија на Украина.
Затоа, обидот да се предвиди што ќе се случи следната година може да звучи како луда игра, но храбрите уредници и новинари од целата редакција на „Блумберг“ во Обединетото Кралство се обидоа да го сторат тоа и ги даваат своите предвидувања за тоа што доаѓа во годината што следува.
Енергија
„Европските влади ќе се борат да го задржат истото ниво на енергетски субвенции како во 2022 година, што перверзно може да значи дека дури и ако се намалат цените на големо, малопродажните цени може да останат високи, па дури и повисоки во 2023 година отколку во 2022 година“, смета Хавиер Блас од „Блумберг опинион“ (Bloomberg Opinion).
„Бев изненаден од тоа колку време ѝ требаше на владата на Обединетото Кралство сериозно да ја сфати енергетската криза. Помошта започна само за домаќинствата во октомври и ќе се намали во април, што ќе значи повисоки сметки. Тешко е да се види подобрување на ситуацијата до следната зима. Европа веќе се подготвува за барем уште една година со високи цени и не е јасно како планира премиерот да се справи со ова во Британија“, вели Рејчел Морисон, тим-лидер за гас, енергија и обновливи извори во Европа.
„Иако Божиќ нема да биде толку лош како што се очекуваше, следната година може да биде многу полоша. Сметките за парно во јануари ќе се намалат заедно со сметките за кредитни картички, додека трошоците за хипотеки ќе се интензивираат. Освен ако инфлацијата не почне да се намалува, не би ме изненадило да видам нагло намалување на трошоците како што одминува годината. Тоа би можело да потсетува на 2011 година, кога ДДВ се зголеми, а трошоците паднаа“, вели Андреа Фелстед од „Блумберг опинион“.
Политика
„По толку турбулентна година, сега се чувствува како да се враќаме на здодевната секојдневна политика, спротивставувајќи двајца интелигентни технократи, Риши Сунак и Кир Стармер. Предизвикот на Стармер во 2023 година е да осмисли некои политики, со што ќе докаже дека опозициската партија треба повторно да е избрана. Влезот на Сунак вклучува конечно решавање на ќор-сокакот со ЕУ во врска со трговските аранжмани по брегзит во Северна Ирска, справување со немирниот пазар на работната сила, бидејќи работниците сè повеќе прибегнуваат кон штрајкови зашто платите не успеваат да држат чекор со неконтролираната инфлација. И слично како Стармер, тој треба да докаже дека неговата безнадежно поделена Конзервативна партија повторно може да се избере на изборите што се очекуваат во 2024 година, а треба да се одржат најдоцна во јануари 2025 година“, смета Алекс Моралес, уредник за политика во Обединетото Кралство.
„Следната година има големи прашања со кои ќе се соочи Риши Сунак. Се чини дека нема да има избори до 2024 година, што го остава Сунак да гради изгледи во некои мрачни економски денови. Тој се бори да покаже дека има мандат во својата партија, а што останува за земјата. Нема добри опции - анкетите сугерираат дека предвременото гласање би ја осудило партијата на убедлив пораз, но дали тоа ќе ги подобри работите?“, ја поставува дилемата Стјуарт Бигс, уредник за политика во Обединетото Кралство.
„Јас сум во потрага по Кир Стармер да се обиде повторно да создаде дел од културните темели на ентузијазам за лабуристичката влада што Тони Блер успеа да ја создаде во средината на 1990-тите“, вели Кити Доналдсон, уредничка за политика во Обединетото Кралство.
„Украина во последните недели и месеци врати голем дел од територијата што Русија ја окупираше во раните фази на војната. Ако тој тренд продолжи во следната пролет и лето, најинтересното нешто што треба да се следи во 2023 година е како Владимир Путин губи и се справува со поразот“, вели Алберто Нардели, дописник за Европа.
„Начинот на кој Обединетото Кралство се справува со споровите околу платите, индустриските активности и неговите распаднати јавни услуги во време на огромно фискално затегнување, директно ќе влијае на милиони работници, бизниси и семејства. Во странство, тешко е да се погледне подалеку од Русија, изворот на толку многу нестабилност, како и Кина, која би можела да ги олесни проблемите со глобалниот синџир на снабдување ако најде пат за излез од политиката на нулта ковид. Во моментов јас сум малку опседнат од четботот за вештачка интелигенција (ChatGPT), кој се засилува на социјалните мрежи. Доста е јасно дека оваа технологија ќе го промени нашиот свет. Во 2023 година можеби ќе почнеме да сфаќаме како“, вели Адам Бленфорд, виш уредник.
Економија
„Две работи што ги гледам со интерес следната година ќе бидат Кир Стармер и пазарот на недвижности во Лондон. Сега тој е премиер на чекање. Но сè уште има многу прашања за тоа како тој ќе стигне оттука до денот на изборите. Како ќе му пристапи на буџетскиот дефицит? Како ќе реагира на ториевците што му ја крадат политиката?
Лондонскиот пазар на недвижности е еднонасочен облог колку што знам. Дури и по финансиската криза, тој пазар едвај зеде здив, додека во остатокот од светот се намали. Но сега се соочува со уникатен сет на предизвици, не се само со зголемувањето на каматните стапки и рецесијата туку и со слабеењето на моќта на градот и проблемите со кои се соочуваат богатите Руси. „Блумберг економикс“ (Bloomberg Economics) смета дека цените би можеле да паднат за 20 проценти“, вели Бен Силс, главен уредник за европска економија.
„Домувањето може да се покаже како една од најинтересните приказни за 2023 година, со растечки очекувања за значителен пад. Канцеларијата за буџетска одговорност очекува пад од девет отсто, а ’Блумберг економикс’ смета дека пазарот може да биде дури за 20 проценти преценет. Тоа би можело да има големо влијание врз економијата, бидејќи цените на имотот го хранат личното богатство и колку потрошувачите се чувствуваат сигурно да продолжат да трошат“, вели Рид Ландберг, раководител на тимот за економија на Обединетото Кралство.
„Мислам дека најважната економска варијабла, и во Обединетото Кралство и во странство, ќе биде невработеноста. Тоа ќе биде клучно за сериозноста на секоја рецесија, исто така, и за тоа што се случува со цените на недвижностите. Ако невработеноста остане ниска, луѓето ќе продолжат да трошат за потреби за живот, а пазарот на домување нема да види многу принудени продавачи. Ако невработеноста значително се зголеми, економијата ќе биде во многу поголеми проблеми“, вели Џон Степек, виш известувач за весникот „Мани дистилд“ (Money Distilled).
„Бизнис-заедниците велат дека владата на Сунак нема ниту еден план за раст, а последниот, тој на поранешниот канцелар Кваси Квартенг, за малку ќе ја разнесеше економијата. Сунак, кој е помошник на Силиконската долина, верува во технологија, идеи, иновации и капитал. Возбудливи работи, но тој може да добие поголеми награди едноставно со исполнување на своето ветување дека ќе го поправи протоколот за Северна Ирска“, вели Филип Олдрик, уредник за економија на Обединетото Кралство.
„Звучи крајно здодевно, но ќе биде интересно да се гледаат обезвреднувањата на банките. Ова е местото каде што заемодавците ја оставаат готовината настрана ако се загрижени дека луѓето и компаниите нема да ги платат своите долгови. Тоа би можело да почне да станува интересен показател за ефектот што зголемувањето на каматните стапки го има врз должниците. Во однос на акциите, мислам дека градежниците во Велика Британија паднаа премногу. Цените на акциите ни кажуваат дека ќе има силен пад на вредноста на недвижностите и градежниците ќе мора да ја запишат вредноста на земјиштето што го поседуваат. Тоа изгледа екстремно, но лично се надевам дека е вистина, бидејќи сакам да купам стан следната година“, вели Џо Истон, уредник за акции во Обединетото Кралство.
Технологија
„Уште едно хоби на Илон Маск, особено мисијата ’Спејс икс’ (SpaceX DearMoon), делумно финансирана од јапонскиот милијардер за е-трговија Јусаку Маезава. Планот е следната година да се испратат група уметници на вселенски брод околу Месечината, што звучи толку лудо што навистина може да се случи“, вели Конрад Квилти-Харпер, дигитален уредник во Обединетото Кралство.
Животна средина
„Секоја година е година без отпад и година на рециклирање, но јас сум многу возбуден да видам што ќе прават производителите со артиклите што создаваат многу нуспроизводи, како што е пулпата од производството на овесно млеко. Воодушевен сум и кога гледам како рестораните ги нагласуваат производите од локално потекло. На пример, во ’Дајнингс СВ3’ (Dinings SW3), готвачот Масаки Сугисаки, експерт за суши, ги истакнува рибите од блиските места наместо да го носи сето тоа од Јапонија“, вели Кејт Крадер, уредник за храна.
„Глобалната климатска политика ќе биде уште потешка. Обединетите Арапски Емирати се домаќини на следниот КОП во Дубаи и очајнички ќе сакаат да добијат дипломатски пофалби за успешен самит, но тоа ќе биде многу тешко: Европа е фрустрирана од производителите на фосилни горива што се спротивставуваат на построгите политики за емисиите, посиромашните земји ги сакаат парите што им се ветени, а Џо Бајден ќе биде помалку од една година подалеку од тешката битка за реизбор“, вели Вилијам Кенеди, виш извршен уредник за енергија и стоки.
Спорт
„Како застарен навивач на Манчестер јунајтед, идејата Глазерите да го продадат клубот е фасцинантна. Кој ќе го купи, колку ќе плати и како ќе реагираат навивачите, мислам дека сето тоа многу ќе ни покаже за насоката на големиот фудбал во следните неколку години, секако, ако се постигне договор“, вели Нил Бренан, уредник на социјалните мрежи во Велика Британија.
