.webp){kind=icon}
Цените на становите во Данска паднаа за речиси 10 отсто за шест месеци, бидејќи зголемените каматни стапки го замрзнаа пазарот на недвижности во оваа нордиска земја.
Данска се соочува со некои од истите предизвици како и соседна Шведска, каде станбениот бум поттикнат од пандемијата е заменет со најлошиот пад во последните децении. Иако падот на цените во Данска досега беше поблаг, драматичниот пад на активноста кај локалните агенти за недвижнини сугерира дека допрва ќе се зголемува.
Цените на становите паднаа за 1,8 отсто во декември во однос на претходниот месец, или 9,7 отсто од највисоката вредност во јуни, покажуваат сезонски прилагодените податоци објавени денеска од страна на еден од најголемите дански агенти за недвижности. Цените на семејните куќи, кои минатиот месец паднаа помалку, сега се пониски за 7,8 отсто во однос на пикот во февруари.
Bloomberg
„Цените брзо одат надолу, но исто така треба да се гледа на светлата страна по тоа што го видовме за време на пандемијата кога цените брзо растеа “, рече во белешка Луиз Агерстром Хансен, главен аналитичар во Danske Bank. „Иако цените на куќите паднаа, сепак е поскапо да се купи куќа отколку пред една година. Ова укажува дека цените ќе мора дополнително да паѓаат“.
Потпомогнати од најдолгата низа на негативни каматни стапки на централната банка во светот, Данците со години се навикнати да позајмуваат пари речиси бесплатно. Но, каматната стапка на 30-годишна фиксна хипотека сега е околу пет отсто, за разлика од околу еден отсто пред година и половина. Во исто време, инфлацијата на потрошувачките цени е близу 10 отсто, највисоко ниво во последните 40 години.
