Европа има можност да избегне длабока и продолжена рецесија, иако економската ситуација останува неизвесна, изјави во понеделникот комесарот за економија на Европската унија, Паоло Џентилони.
„Успеавме да ја намалиме енергетската зависност, цените на енергијата значително паднаа, а инфлацијата во Европа го достигна врвот на крајот на минатата година, така што постои шанса да се избегне длабока рецесија и можеби да влеземе во поограничена, поплитка контракција“, рече тој пред новинарите во Брисел.
Џентилони посочи дека блокот треба да работи на спроведување на планот за закрепнување „NextGeneration EU“ од 807 милијарди евра, да најде договор за фискалните правила, да ја поддржи конкурентноста и инвестициите и да ги координира политиките за да ги таргетира најранливите односно да избегне зголемување на јавните расходи.
Bloomberg
Трошоците за живот во Европската унија се зголемија минатата година поради високата инфлација.
Избегнувањето на длабока рецесија зависи од политиките на Европа, а не само од светските трендови, посочи тој, додавајќи дека е оптимист оти блокот може да ги ограничи последиците од енергетската криза.
Џентилони зборуваше во пресрет на состанокот на Еврогрупата, на која се собрани шефовите за финансии на еврозоната.
Претседателот на Еврогрупата, Паскал Донохо, претходно за телевизијата „Блумберг“ изјави дека еврозоната е на „многу отпорно место“ и веројатно ќе се спречи рецесија со „многу низок раст“ оваа година. Инфлацијата меѓу 20-те земји кои ја делат валутата се очекува да забави на околу шест до седум отсто оваа година од осум до девет проценти во 2022 година, рече тој.
.webp){kind=icon}
Во моментов нема коментари за веста. Биди прв да коментира...