.webp){kind=icon}
Само едно од 10 отворени работни места во Обединетото Кралство им дозволува на кандидатите да работат целосно од далечина, покажува извештајот од истражувањето на „Линкдин“ (LinkedIn). Декември е осмиот месец по ред како паѓаат огласите за работа од далечина.
Вработувањето на далечина го достигна својот врв минатиот јануари, кога околу 16 отсто од позициите наведени на Линкдин им понудија на апликантите можност да работат само од дома. Апетитот на Британците за постигнување целосно оддалечени работни места останува силен дури и кога работодавците се повлекуваат од трендот, кој стана особено истакнат и атрактивен за време на пандемијата на ковид.
Огласите што не бараат од луѓето да одат во канцеларија, во декември добија за една петтина повеќе апликации, слично на бројката за истиот месец претходната година.
„И покрај популарноста на работата од далечина меѓу барателите на работа, нашите податоци покажуваат дека го поминавме врвот на овој тренд. Сепак, ризикот за работодавците што не се подготвени да понудат флексибилност е тоа што гледаат одлив на своите вработени што постигнуваат највисоки резултати“, рече Нгаире Мојс, менаџер на „Линкдин“ во Обединетото Кралство.
Неодамнешните извештаи покажуваат дека вработените ја губат преговарачката моќ, бидејќи пазарот на трудот во Обединетото Кралство покажува знаци на заладување. Слободните работни места се намалуваат шести квартал по ред, соопшти Заводот за национална статистика. А, односот на отворените работни места во однос на апликациите, исто така, почна да се намалува на крајот на минатата година, покажаа бројките на „Линкдин“.
