Нарачките во германските фабрики во декември пораснаа повеќе од очекуваното, што е најнов знак дека најголемата европска економија ќе ја помине зимата без да забележи пад.
Побарувачката се зголеми за 3,2 проценти во однос на претходниот месец, што е значајно повеќе од растот од два отсто што го предвидоа аналитичарите во истражувањето на „Блумберг“. Скокот се должи на големите нарачки, без кои ќе имаше пад од 0,6 проценти, соопшти денеска германскиот завод за статистика.
Bloomberg Mercury
Германското производство се намали за 0,2 проценти во последниот квартал од минатата година, со што е тешко да се избегне рецесијата поради повисоките сметки за енергија. Брзорастечките трошоци за задолжување, кои допрва треба целосно да се филтрираат, придонесуваат за дополнителни економски пречки.
Неколку показатели сè уште укажуваат на зголемена доверба по благите зимски временски услови и добро исполнетите капацитети за складирање гас, речиси елиминирајќи го ризикот од недостиг од гас. Цените на големо паднаа од рекордно високото ниво, потхранувајќи го оптимизмот дека инфлацијата може да се намали побрзо од очекуваното.
Деловните истражувања на „Ес-енд-пи глобал“ (S&P Global) укажаа на подобрување на ситуацијата на почетокот на годината, бидејќи тесните грла во синџирот на снабдување се намалија и притисокот врз трошоците се олади.
Додека „Фолксваген“ (Volkswagen AG) очекува повторното отворање на Кина да ја зајакне побарувачката, доставувачот на автомобили „Роберт Бош“ (Robert Bosch GmbH) смета дека глобалното производство на возила оваа година ќе остане под нивото од пред пандемијата поради преостанатиот недостиг од некои полупроводници и забавената економија.
.webp){kind=icon}
