Португалија планира да воведе стапка на данок на додадена вредност (ДДВ) од нула проценти за низа основни прехранбени производи, бидејќи државата се обидува да ја олесни кризата со трошоците за живот.
„Работиме со секторот за производство и дистрибуција на одговор што ќе значи намалување на цената на кошницата со стоки, што допрва треба да се утврди. Решението е да се придвижиме кон нулта стапка на ДДВ за кошницата со основни производи“, рече португалскиот министер за финансии Фернандо Медина на денешната прес-конференција.
Оваа мерка ќе биде во сила од април до октомври, соопшти владата во презентацијата на мерката пред јавноста.
Владата исто така планира да потроши 195 милиони евра за зголемување на платите на вработените во јавниот сектор од април и 580 милиони евра за да им помогне на ранливите семејства да се справат со зголемените цени.
Просечната годишна стапка на инфлација во Португалија достигна 7,8 проценти во 2022 година, што е највисоко во последните 30 години, објави тамошниот институт за статистика.
.webp){kind=icon}
