.webp){kind=icon}
Европската централна банка (ЕЦБ) го менува времето на објавување на одлуките за монетарната политика и времето на прес-конференциите на кои се објаснуваат одлуките, соопшти денеска институцијата на чие чело е Кристин Лагард.
Почнувајќи од 21 јули, одлуките за монетарната политика ќе се објавуваат во 14:15 часот по средноевропско време, наместо во 13:45 како што беше досега.
„Прес-конференциите ќе започнуваат во 14:45 часот по средноевропско време (наместо во 14:30). Објавувањето на поврзаните документи, како што е изјавата за монетарната политика, ќе се промени соодветно (до 15:00 часот по средноевропско време). Новото време ќе важи за идните одлуки за монетарната политика и прес-конференциите“, се наведува во официјалното соопштение.
Од ЕЦБ воедно нагласуваат дека распоредот за состаноци за монетарната политика останува непроменет.
