Швајцарската економија зајакна на почетокот на годината, по стагнацијата на крајот од 2022 година, но изгледите на индустријата и фабричките нарачки укажуваат на потешки претстојни времиња.
Бруто-домашниот производ (БДП) порасна за 0,5 проценти во првиот квартал, покажуваат владините податоци објавени денеска. Тоа ја надминува секоја процена на економистите во истражувањето на „Блумберг“, чија просечна прогноза беше 0,1 отсто.
БДП на Швајцарија по квартали / Bloomberg Mercury
Главниот двигател на закрепнувањето е домашната потрошувачка, која ја дополни константната владина побарувачка. Тоа е силно враќање на растот за Швајцарија, која ја избегна рецесијата за време на енергетската и инфлациската криза, но беше погодена од падот на извозот на крајот на минатата година.
Економистите во моментов предвидуваат експанзија од 0,6 проценти во 2023 година, но индексот на менаџерите за набавка е под прагот на раст од јануари, во услови на придушено расположение во индустријата.
„Изгледите за следните месеци не нудат голем оптимизам“, рекоа од швајцарското здружение за технолошка индустрија „Свисмем“ (Swissmem).
Зголемувањето на каматните стапки и глобалните тензии меѓу САД и Кина претставуваат дополнителни ризици за растот глобално, но од тоа не е исклучена ниту Швајцарија.
.webp){kind=icon}
Во моментов нема коментари за веста. Биди прв да коментира...