.webp){kind=icon}
Европската унија (ЕУ) ги прошири категориите во однос на тоа кои Руси може да бидат мета на санкции во обид блокот да ги зајакне своите казни кон Москва, односно кон кругот бизнисмени и членови на нивните семејства
Новите критериуми за санкции на ЕУ, кои се во сила од 5 јуни, ја прошируваат листата на луѓе кои можат да бидат таргетирани за да ги вклучи водечките бизнисмени кои работат во Русија и членовите на нивните потесни семејства или други луѓе кои имаат корист од нив. Исто така, во ризик, според новиот текст, сега се сите бизнисмени вклучени во економските сектори и обезбедуваат значителен извор на приходи за Русија, а не како досега, само „водечките“ бизнисмени вклучени на овие пазари.
ЕУ санкционираше речиси 1.500 луѓе и 207 ентитети по руските напади врз Украина, почнувајќи со нејзината анексија на Крим во 2014 година и проследена со инвазијата врз Украина во февруари минатата година. Но, некои земји на ЕУ изразија загриженост дека санкциите не се доволно ефикасни и им дозволија на оние што беа санкционирани да го заобиколат замрзнувањето на имотот преку членови на семејството или други физички лица.
ЕУ ја обновува листата на санкции на секои шест месеци, што значи дека новите критериуми би можеле да се применат во следниот круг во септември.
