.webp){kind=icon}
Иако германското лето е можеби официјално старо само две недели, реката Рајна -витална транспортна артерија за земјата и другите делови од внатрешноста на Европа - веќе пресушува и нивото на водата е доволно ниско за да ја ограничи трговијата.
Измереното ниво на водата во Кауб, клучна точка на пригушување вчера попладне изнесуваше 1,43 метри, покажуваат владините податоци. Се предвидува дека ќе падне уште за 16 сантиметри до вторник рано наутро. Тоа е далеку под сезонската норма, иако далеку од ниската точка од минатиот август, кога достигна околу 30 сантиметри и донесе широко распространето нарушување.
И покрај тоа, сите бродови кои планираат да влечат гориво од типот на дизел покрај Кауб се ограничени на товарење на само 60 проценти од нивната максимална носивост, според Мичел ван дер Ховен, брокер во „Риверлејк“, кој организира пратки по реката. Тоа потенцијално го ограничува снабдувањето на увозниците по течението реката, вклучително и Швајцарија.
Прочитај повеќе
Реката Рајна е на граница да стане непловна
Реката е клучна за транспорт на јаглен во време кога Европа веќе се бори со енергетска криза.
03.08.2022
Нискиот водостој на важна река го отежнува транспортот на стоки во Европа
Реката Рајна долга околу 1.288 километри се користи за транспорт на десетици милиони тони стоки низ внатрешноста на Европа.
16.07.2022
Подобрена пловноста на Рајна - ќе се релаксира снабдувањето
Мерната точка кај Кауб се искачи на 47 сантиметри вчера претпладне, ден порано беше на 35 сантиметри.
21.08.2022
Распослана на стотици милји од Алпите до Северното Море, Рајна се користи за транспорт на милиони тони нафтени деривати и други витални производи низ Европа, вклучувајќи чакал, јаглен и железна руда. Минатата година водата толку се намали што трговијата беше сериозно нарушена, што влијаеше на рафинирањето на нафтата, производството на електрична енергија и многу повеќе.
„Очекувам овој август да биде полош од минатата година“, рече ван дер Ховен.
Оваа година, цената на транспортот на гориво по реката зе зголеми при што сегашните трошоци за транспорт меѓу Карлсруе во југозападна Германија и Холандија се блиску двојно повеќе од петгодишниот просек.
„Последната недела во јуни очекуваме врнежи од дожд кои веројатно би можеле да го запрат трендот на намалување на нивото на водата, барем привремено“, рече Денис Мајснер, прогнозер во Германскиот сојузен институт за хидрологија. Тој не очекува да види „критични услови на проток“ барем до крајот на јули.
Рајна е типично на најниско ниво во периодот август-ноември, рече тој, додавајќи дека изгледите се неизвесни и зависат од врнежите и нивото на температурата во лето.
