.webp){kind=icon}
Банката на Англија во четвртокот ги изненади пазарите со зголемување на каматните стапки за 50 базични поени, што е нејзино 13-то последователно зголемување додека креаторите на политиката се борат со упорно високата инфлација.
Деветчлениот Комитет за монетарна политика гласаше со 7 спрема 2 за зголемување за половина процентен поен, со што основната стапка е покачена на 5 отсто. Овој потег е спротивен на очекувањата на пазарот, кои прогнозираа 60-отстотна шанса за зголемување од 25 базични поени.
Новите податоци во средата покажаа дека годишната инфлација на потрошувачките цени во Велика Британија била 8,7 отсто во мај, непроменета во однос на претходниот месец, зацврстувајќи ги очекувањата на пазарот дека Комитетот ќе се одлучи за уште едно зголемување. Економистите исто така ги зголемија своите очекувања за натамошно затегнување на монетарната политика во иднина.
Повеќе на: Инфлацијата во Британија ги надмина очекувањата
Најзагрижувачката ставка за централната банка, базичната инфлација - која ги исклучува нестабилните цени на енергијата, храната, алкохолот и тутунот - беше 7,1 отсто на годишно ниво во мај, што е зголемување од 6,8 отсто во април и бележи највисоко ниво од март 1992 година.
Креаторите на политиките одат по јаже додека се обидуваат да ја заострат монетарната политика доволно за да ги смират инфлаторните притисоци, а без да предизвикаат целосна хипотекарна криза и рецесија.
Фунтата скокна над 1,28 долар по одлуката, додека FTSE 100 го продолжи својот пад од над еден процент.
