Инфлацијата во Шпанија во јуни забави на помалку од два отсто на годишна основа, што секако е добра вест за Европската централна банка (ЕЦБ), која во моментов се обидува да ја доведе инфлацијата во еврозоната на посакуваното ниво од околу два отсто.
Во јуни годишниот раст на цените во Шпанија изнесуваше 1,6 отсто, додека во мај овој раст беше 2,9 отсто. Ова е последица на континуираниот пад на цените на енергијата и храната.
Јунската бројка е најниска годишна стапка на инфлација во повеќе од две години.
Сепак, претставниците на ЕЦБ нема да можат премногу да уживаат во податоците од четвртата по големина економија на еврозоната, бидејќи се чини дека показателите за базичната инфлација во еврозоната за јуни в петок ќе покажат дека таа забрзала.
„Развојот на ситуацијата со базичната инфлација е многу важен во сегашните околности, а таа ќе биде поотпорна отколку што мислиме“, изјави во средата заменик-претседателот на ЕЦБ, Луис де Гвиндос, за ТВ Блумберг.
Во Шпанија базичната инфлација забави на 5,9 отсто во јуни од 6,1 отсто во мај, но параметрите за нејзината пресметка се малку поинакви отколку за целата еврозона.
Движење на инфлацијата во Шпанија
Bloomberg Mercury
„Би било прерано да се прогласи победа над инфлацијата. Како што основниот ефект исчезнува во следните месеци, индексот на потрошувачки цени повторно ќе се искачи на под четири проценти до крајот на годината. Целта од два процента на ЕЦБ ќе биде тешко одржливо да се постигне пред средината на 2024 година“, изјави аналитичарката на „Блумберг економикс“ за Европа, Ана Андраде.
Податоците за Италија во средата исто така покажаа пад на индексот на потрошувачките цени во јуни, на 6,7 отсто на годишно ниво.
Германија ги објавува податоците подоцна в четвртокот, а годишната инфлација се очекува да забрза.
Аналитичарите за целата еврозона очекуваат инфлацијата да продолжи да паѓа на 5,6 отсто од 6,1 отсто во мај, но базичната инфлација може да се зголеми на 5,5 од 5,3 отсто претходниот месец.
.webp){kind=icon}
