Платите во Обединетото Кралство со силен раст, притисок за раст на каматите

Платите во Обединетото Кралство се зголемија повеќе од очекуваното на ниво за кое гувернерот на Банката на Англија (Bank of England-BOE), Ендрју Бејли рече дека ја поттикнува инфлацијата, одржувајќи притисок за повторно зголемување на каматните стапки.

Просечната неделна заработка без исплатените бонуси се задржа на ниво од 7,3 отсто во трите месеци до мај, откако бројките за периодот до април беа ревидирани нагоре, објави Канцеларијата за национална статистика во вторник.

Со ова, практично изедначени се највисоките рекордни отчитувања минатиот месец и во средината на 2021 година, кога бројките беа искривени од пандемијата. Економистите инаку очекуваа забавување до 7,1 отсто.

„Денешните податоци потврдуваат дека пазарот на труд е сè уште премногу жежок, бидејќи растот на платите останува непријатно висок“, рече Јаел Селфин, главен економист во Кеј-Пи-Ем-Џи (KPMG).

Bloomberg

Податоците за платите се први од двата клучни податоци кои ќе ја обликуваат следната одлука на Банката на Англија за каматните стапки.

По објавата на податоците, веднаш скокна фунтата. Порасна за дури 0,3 отсто до 1,2899 долари, што е највисоко ниво од април 2022 година. Валутата има најдобри перформанси во групата 10 валути оваа година, секако засилена со каматните стапки кои се повисоки од земјите на конкурентните валути.

Приносот на 10-годишните државни обврзници на Обединетото кралство падна за 2 базични поени на 4,62 проенти во склад со американските државни обврзници. Глобалните пазари на обврзници зајакнаа во вторникот, бидејќи се чини дека се намалуваше распродажбата што доведе приноси кои се на значајно повисоки.

Цените на пазарот на пари покажуваат дека трговците очекуваат дека централната банка ќе ги зголеми стапките за уште 150 базични поени до март, што би ја зголемило основната стапка на 6,5 проценти. Само за споредба, основната камата на Европската централна банка (ЕЦБ) е позиционирана на 4 отсто, a е околу 5,5 проценти nа Федералните резерви на САД.

„Нашиот пазар на работни места е силен со ниска невработеност и тоа го докажуваат историските податоци“, рече канцеларот на финансии Џереми Хант. „Но, сè уште имаме околу еден милион слободни работни места, што ја зголемува инфлацијата уште повеќе. Нашите реформи на пазарот на трудот - вклучително и проширување на бесплатната грижа за децата следната година - ќе помогнат да се изгради економија со високи плати, висок раст и ниска инфлација што сите сакаме да ја видиме.

Извештајот, исто така, покажа силен раст на вработеноста, но неочекувано зголемување на стапката на невработеност до 4 проценти, бидејќи повеќе луѓе бараа работа - знак дека стегнатоста на пазарот на трудот можеби почнува да се намалува. Бројот на луѓе кои работат скокна за 102.000 во последниот квартал, повеќе за 85.000 од бројката што ја очекуваа економистите.

„Пазарот на трудот се врти“, изјави Џејми Раш, главен европски економист на Блумберг Економикс за ТВ Блумберг. „Треба само да видиме потврда во податоците за инфлацијата за банката да може да отфрли зголемување од 50 базични поени.

 

Што вели Блумберг Економикс...

„Уште едно жешко зголемување на платите што ги зголемува шансите Банката на Англија да го повтори шокантниот пораст на стапката од 50 базични поени кое го стори во јуни, со дополнително зголемување во август. Објавувањето на податоците за растот на трошоците за живот, следната недела ќе се создаде последниот збор за ова прашање. Понатамошното зголемување на базичната инфлација ќе и отежне на централната банка да го забави темпото на затегнување“.

Креаторите на политиката предводени од Бејли се загрижени дека инфлацијата останува повеќе од четири пати повисока од нивната цел од 2 отсто, при што работниците бараат повисоки плати за да се компензира намалувањето на нивниот животен стандард што секако е резултат на зголемените цени. Податоците за инфлацијата ќе бидат објавени на 19 јули.

Платите без бонуси во приватниот сектор се зголемија за 7,7 проценти, најголем раст ако се изземе пандемијата. Платите во јавниот сектор исто така растат со најбрзо темпо од 2001 година.

 

Загриженост на пазарот

Затегнатоста на пазарот на трудот е еден од главните фактори кои ја поттикнуваат инфлацијата во Обединетото кралство која со стапка од 8,7 проценти во мај беше повисока од која било друга нација на Групата седум. Бејли го искористи својот говор во Mенсон Hаус (Mansion House) во понеделникот за да предупреди дека притисокот врз платите во моментов е премногу силен за да го заузда растот на цените во Кралството.

Ендрју Бејли/Bloomberg Mercury

 

„И зголемувањето на цените и на платите со сегашните стапки не се конзистентни со целта на инфлацијата“, рече Бејли синоќа. „Интеракцијата на над-целната вкупна инфлација со затегнатоста на пазарот на труд и притисокот на побарувачката во економијата ги направи основните случувања во инфлацијата на цените на стоките и услугите полеплива од претходно очекуваното.

Банката на Англија беше принудена да го засили темпото на зголемување на каматните стапки минатиот месец откако беа објавени податоците за инфлацијата и за пазарот nа трудот а кои покажаа отстапување од првичните очекувања.