Клучна недела за централните банки, ќе има ли зголемување на каматите?

Големите светски централни банки се состануваат оваа недела за да ја утврдат монетарната политика во услови на континуирани знаци дека се намалува најтешката инфлациска криза во последните децении.

Додека се очекува Федералните резерви и Европската централна банка да ги зголемат каматните стапки за 25 базични поени, поголем фокус ќе биде ставен на сигнализирањето од креаторите на политиката за тоа дали ќе има уште зголемувања или ќе се планира запирање на циклусот на раст на каматите.

И претседателот на Федералните резерви на САД, Џером Пауел, и претседателката на Европската централна банка, Кристин Лагард, предупредија дека инфлацијата останува превисока, принудувајќи ги дополнително да ги зголемат трошоците за задолжување. Со оглед на тоа дека ниту една централна банка нема повторно да се состане до септември, економистите велат дека изгледите за политиката до крајот на годината остануваат отворени.

Одлуката на Банката на Јапонија (БОЈ) и понатаму останува одредена, иако  повеќе од 80 отсто од анкетираните аналитичари очекуваат гувернерот Казуо Уеда да продолжи да ѝ дава поддршка на светската економија, иако инфлацијата останува над нивната цел од 2 отсто.

Bloomberg Mercury

Главните одлуки на централната банка што се очекува да се донесат оваа недела:

Федерални резерви на САД

Креаторите на политиката на ФЕД се подготвени да ги зголемат каматните стапки в среда до највисоката стапка во последните 22 години, задржувајќи затегната пристрасност, што веќе сигнализира на можност од дополнителен потег во текот на годината.

Се очекува Федералниот комитет за отворен пазар (ФОМС) да ги зголеми стапките од 5,25 отсто на 5,5 отсто, што е 11-ти пораст во текот на изминатите 16 месеци. Покачувањето во јули следува по паузата во јуни, која имаше цел да го забави темпото на зголемувања, бидејќи стапките се приближуваат до нивото за кое се верува дека е доволно рестриктивно за да се врати инфлацијата на целта од 2 отсто со текот на времето. Сепак, креаторите на монетарната политика ќе ги држат отворени опциите за повторно зголемување, доколку е потребно, за да се избегне повторно зголемување на цените. „Инфлацијата забавува, но не доволно брзо за ФЕД“, рече Џејмс Најтли, главен меѓународен економист во „ИНГ фајненшл маркетс“  (ING Financial Markets LLC).

Што вели „Блумберг економикс“:

„Мешаните економски податоци од состанокот на средината на јуни веројатно не успеаја да ја решат внатрешната дебата за тоа дали јули треба да биде последното зголемување. Веруваме дека многу членови на ФОМС очекуваат уште едно зголемување на стапката оваа година, но меките податоци за инфлацијата во јуни можеби ја ослабеа нивната убеденост.“ - Ана Вонг, главна американска економистка

 

Bloomberg Mercury

Со зголемувањето на каматните стапки за 25 базични поени оваа недела, сите очи ќе бидат вперени кон тоа како Кристин Лагард ги карактеризира плановите на Европската централна банка по јули. Официјалните лица веќе извесно време нагласуваат дека одлуките ќе се засноваат на дојдовните податоци. ЕЦБ во својата 25-годишна историја го имаше најагресивниот циклус на затегнување на монетарната политика. Креаторите ја подигнаа стапката на депозитите за 400 базични поени од јули минатата година, а економистите анкетирани од „Блумберг“ очекуваат уште две зголемувања, во јули и септември, што би довело до стапка од 4 отсто.

Иако новото истражување за однесувањето на банките во вторник ќе покаже дека побарувачката за заеми и кредитните стандарди дополнително се влошиле во вториот квартал, основните ценовни притисоци остануваат неочекувано силни. Сепак до септемврискиот состанок на централните банки ќе бидат објавени уште два извештаја за инфлацијата и перформансите на економијата во вториот квартал, со што ќе има ажурирани податоци и ќе се знае каква одлука ќе се носи за каматните стапки.

Што вели „Блумберг економикс“:

„ЕЦБ најверојатно ќе се фокусира на три клучни активности на состанокот на 27 јули. Кристин Лагард веројатно ќе објави уште едно зголемување на стапката од 25 базични поени, ќе соопшти дека одлуката во септември ќе зависи од податоците и ќе нагласи дека стапките нема да бидат намалени наскоро.“ - Дејвид Пауел, виш економист

 

Bloomberg Mercury

Што вели „Блумберг економикс“:

„Не гледаме дека Казуо Уеда подготвува изненадување во стилот на Харухико Курода и менување на кривата на принос на крајот од состанокот на Банката на Јапонија, од 28 до 29 јули, како што некои шпекулираа. Сè додека БОЈ не може да потврди дека побарувачката е доволно силна за да поттикне одржлива инфлација, Уеда ќе сака да избегне какви било избрзани промени.“ - Таро Кимура, виш економист

Во моментов нема коментари за веста. Биди прв да коментира...

Остави коментар