Европската унија треба да преземе чекори за да го запре губењето на сончевата енергија и да ги ограничи негативните цени со цел да ги поттикне инвестициите, сметаат организациите за обновливи извори на енергија. Додека Европа ќе генерира рекордни количини на соларна енергија ова лето, земјите зависни од јаглен како Полска и Чешка може да ги исклучат соларните централи во моменти на неочекувано мала побарувачка, рекоа 17 организации во писмото до европскaта комесарка за енергија Кадри Симсон во вторникот.„Поради потпирањето на таканареченото „основно оптоварување“ и недостатокот на флексибилност на чистиот систем, се согорува јаглен со високи емисии и се троши чиста, евтина сончева енергија“, велат тие.
Европската Унија се обидува да ја зголеми својата зависност од обновливите извори на енергија додека закрепнува од историската енергетска криза предизвикана од последиците од руската војна во Украина.Делови од континентот, сеуште се борат со летните горештини што ги поттикнаа шумските пожари и го зголемија ризикот од суша, што ги натера властите да поттикнат помала употреба на фосилни горива.
Иако цените на енергијата паднаа на дел од нивните нивоа во екот на кризата, нестабилноста продолжува да ги разорува пазарите поради долготрајните ризици за снабдување и климатските настани.Таканаречените негативни цени може да се појават и во мрежата кога се произведува премногу електрична енергија за да се задоволи побарувачката.„Нерешената нестабилност на цените на енергијата и премногу честите негативни цени ги загрозуваат инвестициите“ , рекоа организациите, додавајќи дека ценовните промени ќе бидат „новата нормала“.
Организациите повикаа на ограничување на количината на соларна енергија која што може да се ограничи, забрзување на издавањето дозволи за електрични мрежи и промовирање хибридни соларни проекти, меѓу другите чекори. Тие, исто така, повикаа на чекори за решавање на негативните цени, вклучително и поделба на трошоците меѓу производителите на фосилни горива.
Европската Унија треба „да се погрижи економската рамка да не дава погрешен сигнал на инвеститорите во периодот на транзиција“, велат тие.
.webp){kind=icon}
