Остар пад на трошоците за храна во Велика Британија

Инфлацијата на цените на храната драстично опадна, што е уште еден знак дека британската криза на трошоците за живот постепено се намалува за потрошувачите.

Годишниот раст на цените падна за 2,2 процентни поени на 12,7 отсто во четирите недели пред 6 август, што е втор најостар месечен пад откако фирмата за истражување на пазарот „Кантар“ (Kantar )почна да ги следи цените во 2008 година. Инфлацијата на намирниците паѓа пет месеци по ред откако во март достигна рекордно високо ниво.

Економистите ќе ги поздрават податоците бидејќи вкупната стапка на инфлација во Британија остана тврдоглаво висока оваа година и покрај зголемените трошоци за задолжување. Банката на Англија ги зголеми каматните стапки на ново, рекордно ниво во последните 15 години, на почетокот на овој месец.

Сепак, инфлацијата на храната е повисока од 10 отсто.

„Цените сè уште растат од година во година на сите полици на супермаркетите, но на потрошувачите ќе им олесни да видат дека цените на некои основни производи почнуваат да паѓаат во споредба со порано во 2023 година“, рече Фрејзер МекКевит, шеф на малопродажба и увид во потрошувачите во „ Кантар“.

Меѓу основните артикли што поевтинија е млекото кое чини 1,50 фунти (1,90 долари), што е помалку од 1,69 фунти колку што чинеше во март. Еден литар сончогледово масло чини 2,19 фунти, што е помалку за 22 пени, според податоците на „Кантар“.

Купувачите продолжуваат да се собираат во продавниците со попуст, при што растот на продажбата на „Алди“надминува 21 отсто, што е најбрзо темпо меѓу супермаркетите. Продажбата на „Лид“ се зголеми за речиси 20 проценти. Приходите во„Веитрос“ и на „Кооп“се зголемија за само 4,4 и 3,4 отсто, соодветно.

Како одраз на неодамнешното студено време, купувачите купуваат традиционална „потопла зимска“ храна како супи и печено месо. Обемот на продажба на сладолед падна за 30 отсто.

Во моментов нема коментари за веста. Биди прв да коментира...

Остави коментар