.webp){kind=icon}
Италијанскиот парламент даде конечно зелено светло на декретот за олеснување на контроверзниот данок на добивка на банките што ги исплаши инвеститорите.
Десничарската влада на премиерката Џорџа Мелони доби поддршка за планот за оданочување на добивката на банките, но им нуди на заемодавците опција да избегнат плаќања доколку издвојат дополнителни капитални резерви. Парламентарното гласање во четвртокот беше последниот чекор потребен за законот да стане обврзувачки.
Одобрувањето ги затвора неколкунеделните политички преговори за данокот објавен во август, кој во текот на летото збриша милијарди во пазарна вредност. Измените беа воведени од Владата минатиот месец со амандман силно поддржан од Форца Италија, помалата партија во коалицијата на Мелони.
Прочитај повеќе
Владата во Рим попушта - банките ќе можат да го избегнат данокот
Доколку издвојат дополнителни капитални резерви, банките не мора да го платат данокот
25.09.2023
Италијанската премиерка Мелони ја омекнува реториката кон банките
Рим нема намера да ги оданочува „легитимните профити“ на банките, вели италјанската премиерка Џорџа Мелони.
30.08.2023
ЕЦБ ќе се побуни против италијанскиот банкарски данок
Жалбата на ЕЦБ за банкарскиот данок е дел од описот на гневот на инвеститорите и пазарот поради изненадувачкиот потег на владата.
18.08.2023
Мелони целосно ја презеде одговорноста за данокот на банките
Италијанскaта премиерка Џорџа Мелони ја презеде политичката одговорност за минатонеделната одлука.
14.08.2023
Изменетата регулатива исто така отстапува од планот за ограничување на цените на билетите за домашните линии до Сардинија и Сицилија, план што предизвика бес низ авионската индустрија. Извршниот директор на „Рајанер“ (Ryanair), Мајкл О'Лири, реагираше на намалувањата, нарекувајќи го потегот „нелегален“.
Засега не се знае какво влијание ќе има регулативата врз банките и државната каса. Но познато е дека Владата очекува прилив од речиси три милијарди евра.
