.webp){kind=icon}
Цените на акциите на италијанските банки паднаа во четвртокот и имаа најлошо остварување од сите акции од индексот STOXX Europe 600 Banks. Падот дојде откако премиерката Џорџа Мелони рече дека (без оглед на регулаторните промени) и натаму очекува данокот за екстра-профит на банките сепак да донесе прилив од речиси три милијарди евра.
Пораките испратени од Мелони во средата „треба да ги променат движењата на пазарот на акции на банките, со можен дополнителен пад на цените на акциите“, напишаа во четвртокот аналитичарите на „Медиобанка“ (Mediobanca SpA).
Акциите на БПЕР (BPER Banca SpA) загубија 3,4 отсто од својата вредност, додека „Интеса Санпаоло“ (Intesa Sanpaolo SpA ) падна за 2,1 отсто на берзата во Милано, што ја прави акција со најлошо работење во споредба со референтниот индекс. Пад забележаа и БПМ (Banco BPM SpA), „Банка Монте деи Паски“ (Banca Monte dei Paschi di Siena SpA) и „Уникредит“ (UniCredit SpA).
Прочитај повеќе
ЕЦБ ќе се побуни против италијанскиот банкарски данок
Жалбата на ЕЦБ за банкарскиот данок е дел од описот на гневот на инвеститорите и пазарот поради изненадувачкиот потег на владата.
18.08.2023
Мелони целосно ја презеде одговорноста за данокот на банките
Италијанскaта премиерка Џорџа Мелони ја презеде политичката одговорност за минатонеделната одлука.
14.08.2023
Мелони: Новиот данок е резултат на лошото постапување на италијанските банки
Италијанската премиерка Џорџа Мелони ја поддржа одлуката на нејзината влада да донесе данок за 40 отсто на екстра-профитот на банките.
10.08.2023
Италија појасни дека новиот данок нема да надмине 0,1 отсто од активата на банката
Појаснувањето дојде еден ден откако италијанската влада ги шокира пазарите со неочекуван данок и ги намали акциите на банките.
09.08.2023
Италија воведува данок за екстра-профит на банките
Новата давачка е дел од големиот пакет мерки што, покрај банките, ги опфаќа и преостанатите сектори.
08.08.2023
Означената точка го обележува моментот кога е објавен данокот на екстра-добивка во Италија
Bloomberg
Италијанската влада објави данок на ненадејната добивка што ја заработуваат банките, откако го обвини банкарскиот сектор дека неоправдано бавно ги пренесува зголемените каматни стапки на депозитите.
Данокот се применува на 40 отсто од вредноста на дополнителната добивка на банките, која се утврдува во однос на референтната вредност од 2021 година. Дополнителната давачка нема да надмине 0,1 отсто од активата на банката. „Интеса“ и „Уникредит“, двата најголеми кредитори во земјата, се соочуваат со најголеми трошоци од новиот данок.
