.webp){kind=icon}
Италија ги појасни деталите за новиот данок на дополнителната добивка на банките преку соопштение во кое се наведува дека влијанието може да биде ограничено за некои банки и дека давачката нема да надмине 0,1 отсто од активата на банката.
Банките што веќе ги зголемија каматните стапки на депозитите на клиентите „нема да почувствуваат значително влијание како резултат на правилото објавено вчера“, се наведува во соопштението на Министерство за финансии објавено во вторникот вечер.
Појаснувањето дојде еден ден откако италијанската влада ги шокира пазарите со неочекуван данок, објавен за време на изборните коментари на крајот од прес-конференцијата што ја одржа вицепремиерот Матео Салвини за другите владини мерки.
Најголемите италијански банки, „Интеса Санпаоло“ (Intesa Sanpaolo) и „Уникредит“ (UniCredit), забележаа силен пораст на нето-приходите од камати оваа година, а процените на аналитичарите за цела 2023 година покажуваат дека новиот данок најверојатно ќе ја надмине границата од 0,1 отсто од активата на банките. Владата на Италија не прецизира за кој имот конкретно станува збор. Ако данокот се користи како глобално средство, секоја банка ќе треба да плати околу една милијарда евра даноци. Ако станува збор само за имот во Италија, данокот ќе биде многу помал, но сепак во износ од неколку стотици милиони евра.
Прочитај повеќе
Новиот данок збриша 10 милијарди евра од вредноста на италијанските банки
Италијанската влада со данокот ги изненади и пазарите и банките.
09.08.2023
Италија воведува данок за екстра-профит на банките
Новата давачка е дел од големиот пакет мерки што, покрај банките, ги опфаќа и преостанатите сектори.
08.08.2023
Давањето 40 отсто од дополнителниот профит на банките ги намали нивните акции. Данокот е насочен кон високите каматни приходи на банките, генерирани откако Европската централна банка ги зголеми референтните стапки. Новиот данок ќе помогне да се намали финансискиот притисок врз семејствата и бизнисите, најави Владата.
Данокот од 40 проценти ќе се подели на повисоките од двете мерки: разликата помеѓу нето-каматниот приход во 2022 и 2021 година што надминува пет проценти раст или разликата помеѓу нето-приходите од камати меѓу 2023 и 2021 година што надминува 10 проценти раст, се наведува во соопштението за печатот.
