По значителните поскапувања во текот 2022 година, цените на прехранбените производи во ЕУ продолжија да растат и оваа година, при што нивниот раст забави во текот на вториот и третиот квартал, покажуваат податоците на Европската статистичка агенција - Евростат.
Во септември 2023 година, цените на маслиновото масло, јајцата, путерот и компирот во ЕУ и натаму биле повисоки споредно со јануари 2021, но нивниот раст е со побавно темпо за разлика од претходните неколку месеци.
Така, во септември годинава просечната цена на маслиновото масло била за 75 проценти повисока споредено со јануари 2021 година, додека цената на компирот во истиот период се зголемила за 53 проценти.
Јајцата се за 37 проценти поскапи во однос на јануари 2021 година. Цената на путерот во септември годинава е за 27 проценти повисока отколку во јануари 2021 година, иако од ланскиот декември има тенденција на постепено намалување.
.webp){kind=icon}