Германија може брзо да ја закрпи големата дупка во буџетот со собирање повеќе од 17 милијарди евра, ако прво ги отстрани даночните олеснувања во автомобилскиот сектор, објави во вторникот тамошната агенција за заштита на животната средина.
„Би убиле две птици со еден камен: ќе ја олесниме буџетската ситуација и ќе ја задржиме климатската акција на вистинскиот пат“, рече претседателот на агенцијата, Дирк Меснер.
Предложените мерки се повисоко оданочување на дизел горивото и отстранување на даночните олеснувања за побогатите возачи и возилата на компаниите.
Германската влада се обидува да ја подобри состојбата со буџетот откако минатиот месец Уставниот суд пресуди дека доделувањето пари за одредени политики преку вонбуџетски средства е неуставно. Вака се стопираше климатскиот фонд вреден 60 милијарди евра.
Како да се соберат пари за буџетот?
Bloomberg Mercury
Коалициските партнери мора да постигнат договор за овогодинешниот буџет до крајот на неделата доколку сакаат парламентот да го прифати до Божиќ, изјави портпаролот на канцеларот Олаф Шолц.
Други мерки кои би можеле да помогнат да се пополни празнината вклучуваат воведување на данок за авионско гориво за домашни летови и зголемување на даноците за месото и другите животински производи, рече Меснер.
Тој посочува дека овие мерки може да се применат без одлагање и чекање потврда од Брисел.
Логично, автомобилскиот сектор се противи на предлозите на агенцијата за животна средина.
Но, тие се поддржани од Партијата на зелените, од каде посочуваат дека отстранувањето на некои од привилегиите за службените возила може да донесе околу 1,8 милијарди евра.
Главни корисници на олеснувањето се луѓе со големи автомобили кои нанесуваат најголема штета на животната средина, изјави потпретседателот на пратеничката група на Зелените, Андреас Одретч.
.webp){kind=icon}
