Аналитичари: ЕЦБ ќе остане претпазлива, ризик се високите плати

Очекуваме Европската централна банка (ЕЦБ) да го задржи нивото на каматните стапки непроменето на седницата во март, особено што сигналите од макроекономското опкружување не се најјасни и веруваме дека ЕЦБ ќе го задржи својот претпазлив пристап.

Инфлацијата во еврозоната се приближи до целните  2 процента (2,6 отсто во февруари 2024 година), но нејзиниот понатамошен тек е засенет од стабилниот пазар на трудот и зголемените плати, што им оди во прилог на инфлаторните притисоци. Досегашното забавување на инфлацијата помогна и на расположението на потрошувачите, кое упатува на закрепнување и е на највисоко ниво ако го погледнеме тој критичен период од март 2022 година, кој кога ќе се додаде на растечката заработка создава платформа за постојана побарувачка, а со тоа и за полесен развој на инфлаторните притисоци.

Eurostat

Гледаме дека инфлациските притисоци со најголем потенцијал се од внатрешен карактер и прашање е како понатаму ќе се канализира растот на платите. Растот на платите не може да се покрие со раст на продуктивноста, бидејќи повеќето земји од еврозоната дури забележаа пад на продуктивноста, па гледаме потенцијал тие дополнително да се прелеат на цените. И со наративот на функционерите на ЕЦБ, не очекуваме изненадувања, туку претпазливост и повторно нагласување на принципот воден од податоци. Очекуваме малку појасни сигнали до крајот на првата половина од годината и конечно почеток на циклусот на намалување на каматните стапки на седницата во јули 2024 година, повторно со претпазливост и во чекори од 25 базични поени.

Седницата на ЕЦБ е денеска, а прес-конференцијата е закажана за 14.45 часот.