.webp){kind=icon}
По минатонеделните аргументи на премиерот Педро Санчез, Шпанија во вторникот ги објави новите правила кои пропишуваат дека ниедно претпријатие не смее внатрешноста да ја лади под 27 степени, или да ја загрева над 19 степени во зима. Правилата ќе бидат на сила до ноември 2023, декретот исто така повикува да запре осветлувањето на спомениците, се забранува осветлување на излозите на продавниците по 22 часот и се бара од трговците да да прикажуваат внатрешната температура.
Таквите мерки не се целосно нови, јавните згради во Шпанија, освен болниците, веќе ги следат ограничувањата за ладење од 27 степени, но поширокиот опсег на мерките за штедење енергија ја одразува заканата за енергетска криза предизвикана од руската инвазија врз Украина.
Како одговор на стравувањата дека рускиот претседател Путин целосно ќе ја сопре испораката на гас, Европската Унија се согласи да ја намали потрошувачката на енергија за 15 отсто што предизвика надзор врз термостатите и прекинувачите за светло на целиот континент. Во Берлин, на пример, градската управа се обврза да ја намали сопствената потрошувачка за 10 отсто, а градот веќе не ги осветлува спомениците навечер, фрлајќи ги Бранденбуршката порта и Алејата на победата во невообичаен мрак. Италија и Грција исто така имаат ограничување од 27 степени за климатизација во јавните згради, а Париз во јули воведе парични казни (иако скромни 150 евра) за компаниите кои ги оставаат отворени прозорците додека работат климите.
Енергетските проблеми во регионот се зголемени заради топлата седмица, сувото време и ниските нивоа на водите на неколку европски реки кои се клучни за достава на јаглен до германксите електрани и за ладење на француските нуклеарни реактори.
Bloomberg
Кога ќе стигне зимата, енергијата за загревање ќе стане приоритет. Како што тврди аналитичарот на Блумберг Javier Blas, Париз би можел да се соочи со голем ризик од недостиг на струја заради студеното време, мерките за штедење енергија во Франција предвидуваат и забрана за греење на терасите на кафулињата. Берлинските општини размислуваат за намалување на температурите во јавните простории и училиштата во текот на зимата, ги намалуваат температурите на јавните базени и го менуваат распоредот на работниците за да се искористи дневната светлина. Таквите предлози предизвикаа отпор на заменик шефот на паламнетраната група на Демохристијаните, Jens Spahn, кој изјави дека владините мерки се тројна закана за Германците зимава: „Живејте на ладно, туширајте се ладно, настинете“.
Шпанија е помалку зависна од руски гас во споредба со повеќето други европски држави, мрежните оператори изјавија дека земјата би можела да преживее и ако целосно сопре рускиот гас. И додека целта на ЕУ е намалување на потрошувачката за 15 отсто, тој процент во Шпанија ќе изнесува седум. Сепак, мерките за штедење беа критикувани од конзервативните шпански законодавци. Isabel Diaz Ayuso, претседателка на областа Мадрид, на Твитер рече дека нема да се придржува кон правилата за осветлување на зградите затоа што тоа би предзвикало несигурност, би ги одвратло туристите и би донело „мрак, сиромаштија и тага“ - би било закана за ноќната култура според која 10 часот навечер е стандардно време за вечера.
Мадрид и другите шпнаски градови се соочени со вистински високи температури ова лето: највисоката температура достигна до 43 степени, а повеќе од 600 луѓе ги загубија животите од причини поврзани со жештината во првите две недели од јули. Но, ниската влажност на воздухот во лето ги прави внатрешните температури поподносливи отколку на други места, а традиоционалните градежни норми се причина зградите да бидат дизајнирани на тој начин што ќе ја задржуваат топлината.
Разликата може да се види и по предупреудвањата кои се издаваат во случај на високи температури кои можат да го зголемат бројот на смртни случаи. Во северното пристаниште А Коруња, најладниот голем град, предупредувањето се издава кога температурите ќе стигнат до 26 степени затоа што опкружувањето е дизјнирано да штити од дожд, а не од екстремни горештини. Но, во јужната Кордоба, каде жителите долго време поднесуваат високи температури, со тесните улици, малите прозори и дворовите со сенки, бројот на смртни случаи расте кога температурите ќе надминат 40 степени.
Понатаму, климатизерите ја зголемуваат надворешната температура, а со тоа и потребата за ладење станува поголема што може да стане опасно. По смртта на Joséa Antonia Gonzáleza, 60- годишен чистач на улица кој умре од топлотниот бран во јули откако колабирал додека работел во Мадрид, шпанските синдикати се залагаат со закон да се утврди дека топлината е професионална опасност. Оттогаш компаниите за чистење се согласија попладневните смени да ги сменат во вечерни.
Есктремните температури би можеле да придонесат за оживување на една традиоционална шпанска навика за прилагодување кон топлината: сиестата. Додека многу шпански експерти земаат долга попладневна пауза по ручекот, пред да се вратат во канцеларија, голем дел од работниците немаат време за тоа. Тоа би можело да се смени – не само во Шпанија туку и во другите земји каде сиестата не е традиоционална. Во Германија, на пример, синдикатите во моментов бараат право на летна сиеста за градежните работници. Додека климатските промени ги туркаат екстремните горештини кон север, може да се следи шпанската проверена алатка за управување со опасностите.
