„Стелантис“ ќе го сопре производството на електричниот „Фиат 500“ поради слаба продажба

Автомобилскиот концерн „Стелантис НВ“ (Stellantis NV) ќе го запре производството на електричниот модел „фиат 500“ во Торино, Италија во текот на следниот месец поради недоволен број на нарачки во Европа.

Европскиот пазар за електрични возила е „во тешка состојба“, соопшти во четвртокот италијанската подружница на производителот на автомобили.

Европската автомобилска индустрија се соочува со голем пад, а „Стелантис“ размислува за  намалување на работната сила во Италија, бидејќи продажбата опадна. Ривалот „Фолксваген“ (Volkswagen AG) за првпат во својата историја најави дека можни се затворања на фабрики во Германија, додека францускиот „Рено“ (Renault SA) предупреди дека производителите на автомобили може да се соочат со  казни доколку не ги исполнат амбициозните климатски цели на Европската унија.

Претставниците на италијанската влада, повикувајќи се на проблематичната ситуација на пазарот, побараа да се преиспита планот на ЕУ за забрана на продажба на нови возила со мотори на внатрешно согорување од 2035 година.

„Стелантис“, создаден со  спојувањето помеѓу „Фиат Крајслер Аутомобилс“ (Fiat Chrysler Automobile)s и француската „ПСА Груп“ (PSA Group), ги редуцираше работните места и го намали капацитетот во фабриките во САД откако падот на продажбата таму ја намали заработката во првото полугодие за речиси половина.

Во моментов нема коментари за веста. Биди прв да коментира...

Остави коментар