.webp){kind=icon}
Купувачите се сведоци дека нивните сметки од продавниците растат најбрзо по 2008 година. Најголем раст има кај путерот, млекото и пилешкото, покажуваат најновите податоци во Велика Британија.
Компанијата за истражување „Кантар“ објави дека инфлацијата кај цените скокна на 11,6 отсто до 7 август, споредено со 9,9 отсто претходниот месец.
Во пари, ова значи дополнителни 533 фунти годишно за просечно британско домаќинство.
Фрејзер МекКевит, шеф во „Кантар“, вели: „Како што предвидовме, сега сме на највисоко ниво на цените на производи како путерот, млекото и посебно живината. Овој раст значи дека просечната годишна потрошувачка ќе биде за 533 фунти поскапа, или 10,25 фунти повеќе секоја недела, ако купувачите ги купуваат истите производи како лани. Не е чудно што гледаме дека купуивачите ги менуваат навиките за да се справат со дополнителните барања на нивните буџети“.
Според експертите, купувачите сега почесто ги менуваат маркетите како одговор на растечките цени.
Лидл уште еднаш има најбрз раст меѓу ланците супермаркети, со раст на продажбата од 17,9 отсто во последните 12 недели.
Германскиот конкурент, дисконтот Алди, има раст од 14,4 отсто заради поевтините производи на две компании.
Теско, најголем кај британските трговци, има раст од еден отсто.
