text size
Goldman Sachs Group очекува дека економијата на Велика Британија ќе влезе во рецесија во текот на четвртиот квартал оваа година.
Во извештајот објавен денеска, Goldaman наведува дека очекува оти БДП на земјата ќе падне за околу еден отсто до средината на 2023 година. Годишното производство следната година ќе се намали за 0,6 отсто, што е многу различно од претходните проценки на Goldman за експанзија од 1,1 отсто.
„Загриженоста околу притисоците на трошоците на живот во Велика Британија продолжува да се зголемува заради влошувањето на енергетската криза“, велат економистите . „Потрошувачката и натаму ќе паѓа“.
Прогнозите на Goldman доаѓаат отатко минатата недела податоците покажаа дека економската активност во САД, Европа и Азија слабее, зголемувајќи ја загриженоста дека растот на каматните стапки и зголемената инфлација би можеле да го одведат светот во рецесија.
Bloomberg
Порано месецов, Банката на Англија почна со најголемото покачување на каматните стапки во последните 27 години и предупреди дека Велика Британија оди кон рецесија.
Goldman предвидува пад на стапките на штедење на домаќинствата
Goldman очекува дека стапките за штедење на домаќинствата ќе паднат значително под својата „стапка на рамнотежа“, на рекордно ниските 3,5 отсто во вториот квартал од 2023. Се предвидува дека реалниот расположлив приход ќе падне за 2,9 отсто, a потрошувачката за 1,4 отсто во 2023 година.
Малку е веројатно дека прогнозите за рецесија ќе ја одвратат Банката на Англија од натамошното заострување на монетарната политика, велат од Goldman. Се очекува зголемување на стапките за 50 базни поени од септември и за четвртина поен во ноември и декември.
„Гледаме дека ризиците одат кон сериозна и долготрајна рецесија“, велат економистите. Цените на гасот можат подолго време да останат зголемени, домаќинствата можат во помала мера да се ослободат од заштедите, а износот на дополнителна фискална поддршка на домаќинствата може да се покаже помал отколку што се претпротавува во нашата база“.
Во вакво сценарио, економијата на Велика Британија ќе се намали за дури 3,4 отсто во текот на наредната година, велат од Goldman. Но, нивното основно сценарио, предвидува дека рецесијата ќе биде „релативно блага со оглед на фискалната поддршка, вишокот заштеди и силниот пазар на труд“.
.webp){kind=icon}
