Францускиот економист Томас Пикети изјави дека предлогот за данок на богатство од 2 отсто, кој е во центарот на буџетската дебата во Франција, е неопходен, но недоволен за справување со фискалните предизвици на земјата.
„Ова е апсолутниот минимум“, рече Пикети за „Блумберг радио“ (Bloomberg Radio). „Проблемот е што тоа е премалку, со оглед на големината на јавниот долг и сите нови инвестиции што се потребни.“
Оданочувањето на богатите повторно е на агендата во Париз, додека премиерот Себастијан Лекорну се обидува да обезбеди поддршка од опозициските партии за буџет со кој ќе се намали големиот буџетски дефицит на земјата.
Прочитај повеќе
Протести и буџетски предизвици за добредојде на новиот премиер на Франција
Себастијан Лекорну ја презема функцијата премиер на Франција во услови на протести и политичка нестабилност, додека земјата се соочува со буџетски предизвици, раст на долгот и поделби во парламентот.
10.09.2025
Макрон го назначи Лекорну за нов премиер на Франција
Лекорну (39) е единствениот министер кој е дел од владата континуирано откако Макрон стана претседател во 2017 година.
09.09.2025
Француската влада во ризик од нов колапс, пазарите под притисок
Гласањето за доверба на премиерот Бајру може да ја урне владата, да ја зголеми финансиската нестабилност и да предизвика нови парламентарни избори.
26.08.2025
Бернард Арно се соочува со најголемиот пад во историјата на ЛВМХ
По децении експлозивен раст, Бернард Арно се соочува со најголемиот пад во неговите 36 години на чело на ЛВМХ. Слабеењето на побарувачката за луксузни стоки, проблемите со „Диор“ и со „Хенеси“ и неизвесноста околу неговиот наследник го ставаат најмоќниот човек во индустријата под невиден притисок.
20.06.2025
ЛВМХ е сè поблиску до тоа да стане главен спонзор на Формула 1
Договорот би овозможил француската компанија да ги промовира своите водечки брендови на тркачката патека.
12.09.2024
Социјалистичките пратеници, кои веројатно ќе имаат клучна улога во одобрувањето на финансиските закони, го туркаат предлогот, наречен по економистот Габриел Зукман, за данок од 2 отсто на богатство над 100 милиони евра (118 милиони долари).
Иако владите на претседателот Емануел Макрон поддржаа глобални иницијативи за оданочување на милијардерите, тие се спротивставија на данокот на Зукман на национално ниво, тврдејќи дека тоа би ја нарушило инвестициската клима и би чинело работни места.
Бернард Арно, милијардер, основач и извршен директор на луксузниот конгломерат ЛВМХ (LVMH), се приклучи на дебатата за време на викендот, нарекувајќи го Зукман „радикален левичарски активист“. Никола Дифурк, директор на државната инвестициска банка „Бпифранс“ (Bpifrance), изјави дека идејата е „комунистичка“ и „лудост“.
Пикети, чии трудови за нееднаквоста и милијардерите предизвикаа години дебата меѓу економистите, рече дека данокот на Зукман би можел да донесе меѓу 20 и 25 милијарди евра годишно во француската државна каса.
Тој додаде дека пониските процени претпоставуваат дека милијардерите би можеле да го избегнат данокот или да ја напуштат земјата. За да се избегне тоа, Пикети предлага систем според кој обврската би се врзувала за бројот на години што поединците ги поминале во Франција, иако таков механизам моментално не постои.
„Ако не го платите, ќе се најдете во иста положба како секој што одлучува да не плати данок – вашите средства може да бидат замрзнати, може да бидете уапсени на аеродром“, рече тој. „Таков е животот на обичните луѓе.“
.webp){kind=icon}
Во моментов нема коментари за веста. Биди прв да коментира...