Европа

Британските пазари се под притисок во пресрет на новиот премиер

Извор: Alice Gledhill

5 септември 2022, 12:46

Британската фунта е на неколкудецениско најниско ниво во однос на американскиот долар

Во последната година фунтата загуби 15 проценти од вредноста

Растат трошоците за задолжување на Британија

Британските пазари се под притисок во пресрет на новиот премиер

Bloomberg Mercury

Најниска вредност на британската валута во последните неколку децении, невиден пораст на трошоците за задолжување на државата и рекордно потфрлање на домашните акции, таква е збирната слика на пазарите во Британија во пресрет на новиот премиер.

Фунтата, која што годинава веќе падна за 15 проценти во однос на доларот, токму сега регистрираше најлош месечен учинок од гласањето за Брегзит во 2016 година. Во меѓувреме, трошоците за задолжување на компаниите пораснаа по шест последователни зголемувања на каматните стапки од страна на британската централна банка, додека пораснаа очекувањата за натамошни зголемувања поради предупредувањето дека инфлацијата дополнително излегува од контрола.

Една од бизнис лоби групите укажува на тоа дека земјата веќе е сред рецесија, потенцирајќи на растот на трошоците за енергија. Намалувањето на потрошувачката на домаќинствата и реалните плати предизвикаа низа штрајкови во сите сектори зашто кризата со трошоците за живот почнува буквално да гризе.

Кога ќе биде објавен победникот од изборите денеска попладне, за што се претпоставува дека ќе биде Лиз Тус,  инвеститорите внимателно ќе следат дали спроведената политика ќе го ублажи или влоши падот на недвижнините во Велика Британија. Стратезите стравуаат дека Тус може силно да се задолжи заради финансирање на намалување на даноците, што дополнително би наштетило на билансот на Велика Британија.

Тус исклучува воведување нови даноци, а се фокусира на рационализација на енергијата во Велика Британија.

„Таа ќе ја преземе економската палка во неверојатно тешки моменти во услови на кревкост на фунтата и веќе постојат шпекулации дека таа би можела само да ја испушти палката“, изјави Стивен Бароу од Standard Bank.

Фунта

По остриот пад годинава, фунтата се тргува за помалку од 1,15 долари, што е ниво блиско до најслабото, регистрирано во 1985 година. Опаднатата вредност на фунтата ги зголемува трошоците за увоз, поттикнувајќи уште поголем раст на инфлацијата.

Државни обврзници

Стапката на двегодишните државни обврзници порасна за повеќе од 3,1 отсто, што претставува највисока стапка од глобалната финансиска криза во 2008 година. Пораснаа очекувањата за зголемување на каматната стапка, што значи дека референтната каматна стапка, која што сега изнесува 1,75 отсто, ќе се зголеми за повеќе од двојно пред крајот на годината.

Американски акции

Индексот FTSE 250, чиј дел се компании кои главно зависат од домашната економија, е на пат да го достигне најголемото годишно потфрлање во историјата во однос на FTSE 100, во чии рамки се извозно ориентирани компании. Тоа е така затоа што FTSE 100 и натаму ги поддржува рударските и енергетските компании, кои добиваат ветер во грб од растот на пазарите на суровини. Експертите проценуваат дека следната година може да биде добра за FTSE 250, откако претходно ќе се достигне пикот на инфлацијата и економската состојба ќе почне да се враќа во нормала.

Корпоративно задолжување

Трошоците за задолжување на британските компании пораснаа за над 5 проценти, за прв пат по повеќе од 10 години, најмногу поради тоа што инфлацијата значајно го погодува и корпоративниот сектор во земјата. Опсегот на приносите меѓу корпоративните обврзници во фунта и долар е најширок од 2014 година, одразувајќи посебно акутен притисок во Обединетото Кралство.

Сите новости од рубриката Економија

Годишнина од војната во Украина: Колку е отпорна „силно прегреаната“ руска економија?
Свет

Годишнина од војната во Украина: Колку е отпорна „силно прегреаната“ руска економија?

„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.

24.02.2025

Автор: Mihael Šmirmaul

Економија

сите новости од рубриката Економија

Регистрирајте се за да продолжите со читање. Регистрирајте се

Продолжете со читање со одбирање на една од опциите подолу

БЕСПЛАТЕН НАЛОГ

Прочитајте го овој и уште четири други текстови (не се однесува на премиум текстови)

Бесплатен билтен

Регистрирај се

Претплата

Неограничен пристап до премиум содржина на сите 5 портали

Неограничен пристап до ТВ и видео содржина

Ексклузивни приказни и анализи од Businessweek Adria

Истражете ги понудите

Активирајте уште една бесплатна статија и продолжете со читање.

Отклучи сега

Искористивте еден бесплатен текст.

Го цениме вашиот интерес за веродостојни информации. Активирајте уште една бесплатна статија и продолжете со читање.

Отклучи сега

Искористете ја ексклузивната понуда денес! Читајте неограничено за 1 € неделно.

Добијте неограничен пристап денес

Продолжете

Искористете ја ексклузивната понуда денес! Читајте неограничено за 1 € неделно.

Вашите конкуренти веќе го знаат ова. Дали ќе останете тивки?

Приклучете се сега за само 11 € месечно!

Истражете ги понудите