.webp){kind=icon}
Само за да се прехрани, македонско просечно семејство троши повеќе од законски утврдениот минималец од 18.000 денари. Според пресметките на Сојузот на синдикатите на Македонија (ССМ), за храна во септември, минималниот трошок изнесувал 18.900 денари.
Истата пресметка покажува дека за да се платат сметките се потребни уште минимум 12.800 денари и со тоа се надминува и сумата од 31.812 денари колку што изнесува просечната исплатена нето плата во земјава во јули, за кога државната статистика има последни податоци.
Во пресметките за храната од минималната кошничка на ССМ влегуваат 63 производи кои не ги изразуваат целосните потреби за исхрана, туку можностите, навиките и традицијата во исхраната. За еден месец сметката за храна е зголемена за околу 600 денари. За една година растот изнесува над 4200 денари.
Прочитај повеќе
Инфлацијата забрзува, во септември најмногу поскапело млекото
Инфлацијата во септември изнесува 18,7 отсто
07.10.2022
Милка и Нутела најевтини во Македонија: Споредуваме цени на познати брендови
За чоколадото Милка во македонски КАМ ќе платиме најмалку, 0,72 евра, а во хрватски Конзум дупло повеќе
05.10.2022
Бевме во шопинг: Каде во регионот е најевтино да се пазари?
Новинари од Блумберг Адриа пазареа исти производи. Во Македонија беше најевтино, но се потроши најголем дел од платата
04.10.2022
Нема леб, ќе јадеме чоколади: Ѓеврек и јогурт поскапи од ‘Милка’
Минималната потрошувачка за храна за една година е поскапена за 60 евра
27.09.2022
За сите ставки од кошничката на синдикатот минатиот месец биле потребни 42.311 денари што покажува дека трошоците растат многу побрзо од просечната плата.
Но, на вкупната вредност на кошничката, ССМ ја додава и инфлацијата која според денешното соопштение на Државната статистика изнесува 18,7 отсто. Во денешното соопштение велат дека со вкалкулирана инфлација, потрошувачката кошничка стигнува до 50.224 денари. Од таму додаваат дека Владата доцни со преземањето мерки за заштита на стандардот на граѓаните. Владата најави дека следната недела ќе усвои пакет мерки за заштита на најранливите граѓани, а ССМ дава и неколку свои предлози во овој правец.
„ССМ бара доследна примена на одредбите од колективните договори за усогласување на платите согласно порастот на инфлацијата, продолжување на важењето на досегашни анти-кризни мерки со замрзнување на маржата кај досега определените продукти како и проширување на повеќе прехранбени продукти, но и бесплатен градски превоз до и од работа . Исто така, ССМ бара да се воведе повторно мерката за право на платежна картичка за купување домашни производи и плаќање на сметките за електричната енергија за одредена категорија на работници и граѓани кои се најзагрозени и најпогодени од економската криза односно да се поделат вредносни картички за купување храна и плаќање на сметките за електрична енергија на одредена категорија на семејства, особено на оние чиј вкупен приход е во износ под просечна плата (31.812,00 денари) во едно четиричлено семејство во висина до разликата од синдикалната минимална кошница (50.224,00 денари)“, соопшти ССМ.
