.webp){kind=icon}
Во период кога струјата станува скапоцен ресурс и кога граѓаните се во исчекување на сметките за затоплување во престојната зима, енергетската ефикасност на објектите за домување и на компаниите може да има значителна улога во заштедата на енергија и полесно пребродување на кризата. Податоците од последниот попис откриваат катастрофална состојба во однос на енергетската ефикасност на живеалиштата во Македонија, што дополнително може да ги влоши последиците од актуелната енергетска криза.
Имено, во земјава со ланскиот попис биле едвидентирани вкупно 533.000 згради од кои дури 344.152 немале енергетски ефикасна фасада.
Забележително е дека во главниот град Скопје се забележани 42.559 згради со енергетски ефикасна фасада, а 45.984 без енергетски ефикасна фасада, што значи дека е поголем бројот на згради кои се енергетски неефикасни.
Прочитај повеќе
Криза на пазарот: доаѓа време кога „пелети со пари не се купуваат“
Во моментов пелети се увезуваат од Турција, домашното производство покрива само 20 отсто од потребите
11.10.2022
Енергетската криза може да доведе до рекордна емисија на јаглероден диоксид
Зголеменото користење на фосилните горива ја покачи емисијата на „CO2“ за 1,7 отсто, или 133 милиони тони
05.10.2022
Ковачевски: Имаме многу јасен план за енергетската криза
Владата има многу јасен план за справување со енергетската криза, а тоа е ставање во функција на сите енергетски капацитети, посочи премиерот.
27.09.2022
Европската енергетска криза не е приказна за само една зима
Нафтата најверојатно кратко ќе се тргува на околу 90 долари пред да порасне на околу 120 долари за барел до крајот на годината.
23.09.2022
Уште еден значен индикатор во однос на енергетската ефикасност е употребата на сончеви колектори за загревање вода во домовите. Според податоците од пописот бројот на станови односно живеалишта во Македонија кои имаат инсталација за сончеви колектори кои се употребуваат изнесува само 88.491, додека над 745.000 станови немаат ваква инсталација.
Ако се земе предвид дека на јавна мрежа за парно греење се приклучени само 101.579 станови, станува јасно дека во државата струјата и дрвата и понатаму остануваат главен извор за затоплување на голем број домови.
При тоа, не треба да се потценува и трендот на користење на инвертер клима уреди за затоплување, кои се повеќе граѓани ги купуваат за колку толку да заштедат при греење на струја. Заклучно со минатата година во земјава имало 273.797 станови со независна единица за климатизација, а 19.543 имале централна климатизација.
Проблемот со енергетската (не)ефикасност во изминатиов период е високо во агендата на надлежните државни институции, посебно поради тоа што Македонија има обврска за усогласување на домашното ео европското законодавство околу оваа проблематика. Така, на почетокот на 2020 година беше донесен Закон за енергетска ефикасност, а беа изработени и повеќе стратегии и акциски планови за подобрување на состојбата во однос на енергетската ефикасност во повеќе сегменти - домаќинствата, индустријата, јавниот сектор итн.
Сепак, во услови на енергетска криза денес на површина излегува долгогодишната нергижа околу енергетската ефикасност на станбените објекти. Тоа најдобро е илустрирано во „Стратегијата за развој на енергетиката до 2040 година“ во која се проценува дека на Македонија ќе ѝ бидат потребни најмалку 1,5 милијарди евра до 2040 година за реконструкција на постојните станбени, комерцијални и јавни објекти за спроведување на мерките за енергетска ефикасност.
