Државните институции заштедиле 20 отсто струја во септември годинава споредено со септември лани. Министерот за економија, Крешник Бектеши, денеска информираше колку се спроведуваат препораките на Владата за штедење струја од страна на државните институции.
Обврските за штедење почнаа да важат на 01 септември и ќе траат до 31 март догодина. Целта е да се заштедат 15 отсто од струјата потрошена во истиот месец лани.
Според прегледот што го направи Министерствто за економија, најголем дел од институциите во септември заштедиле над планираните 15 отсто.
Но, има и негативни примери. Таков е Министерството за локална самоуправа не само што не заштедило, туку годинава во септември потрошило 79 отсто повеќе струја од лани.
Влада на С. Македонија
Општините заштедиле 29 отсто струја во просек. Но, 25 единици на локалната самоуправа не ги постигнале планираните заштеди, а 56 од нив заштедиле над планираното. Рекордери по трошење струја се Арачиново, Гостивар и Свети Николе.
Од 17 компании во државна сопственост, две потрошиле повеќе, е ЈП Водостопанство Македонија го надмина прагот за дури 50 отсто.
Министерот Бектеши вели дека состојбата со енергетската криза не е шега.
„Помала промена на секојдневните навики може да направи голема разлика“, порача Бектеши.
.webp){kind=icon}
