.webp){kind=icon}
Петти месец по ред, реалната плата се намалува. Според денешните податоци на Заводот за статистика, во август таа се намалила за 4,7 отсто во споредба со истиот месец лани. Ова е најголемо намалување досега, а причината лежи во високата инфлација која во септември изнесува 18,7 отсто.
Номинално, просечната плата во земјава и натаму расте. Статистичарите во авуст пресметале дека таа изнесува 31.781 денари и е за 11, 3 отсто повисока од август 2021 година.
Зголемувањето на годишно ниво на номиналната плата се должи, пред сѐ, на зголемувањето на просечната месечна исплатена нето-плата по вработен во преработувачката индустрија за 16.2 отсто, објекти за сместување и сервисни дејности со храна за 16.1 отсто.
На месечно ниво, номиналната вредност на платата се зголемила само за 0,2 отсто. Во однос на јули, намалување на платата има и кај преработуваката индустрија, сектор кој е најпогоден од актулената енергетска криза.
